રાજસ્થાનમાંથી RDX મળી આવવાના મામલે ગુજરાત ATSએ એક આરોપીને મુંબઈથી અટકાયત કરી છે.ઝડપાયેલા આરોપીએ રતલામમાંથી બોમ્બ બ્લાસ્ટની તાલીમ લીધી હતી
રાજસ્થાનમાંથી RDX મળવાનો મામલો
ગુજરાત ATSએ એક આરોપીને દબોચ્યો
RDX મંગાવી રાજસ્થાનમાં કરવાનો હતો બ્લાસ્ટ
ગુજરાત ATS આકીફ નાછન નામના શખ્સની મુંબઇથી અટકાયત કરી
રાજસ્થાનના જયપુરમાંથી 12 કિલો RDX મળી આવવાના મામલે ગુજરાત ATSની ટીમે આકીફ નાછન નામના એક આરોપીની મુંબઈથી ધરપકડ કરી છે. ઉલ્લેખનીય છે કે, આકીફ નાછને મઘ્ય પ્રદેશના રતલામમાં બોમ્બ બ્લાસ્ટની તાલીમ પણ લીધી હોવાનું સામે આવ્યું હતું. મહત્વનું છે કે,આરોપીની યોજાના RDX મગાવી રાજસ્થાનમાં બ્લાસ્ટ કરવાની હતી.અગાઉ રાજસ્થાન પોલીસ RDX કેસમાં 5 આરોપીની ધરપકડ કરી ચૂકી છે.
અગાઉ રાજસ્થાન પોલીસ RDX કેસમાં 5 આરોપીની કરી ચૂકી છે ધરપકડ
આ પહેલા રાજસ્થાન પોલીસે કાર ચેકિંગ દરમિયાન રતલામ નિવાસી ઝૂબેર,અલ્તમસ અને સૈફુલ્લાને વિસ્ફોટક અને બોમ્બ બનાવવાની સામગ્રીની સાથે પકડ્યા હતા.પૂછપરછમાં ખૂલાસો થયો હતો કે,આતંકવાદી જયપુરમાં સિરિયલ બ્લાસ્ટનું આયોજન કરી રહ્યા હતા.તે વખતે પકડાયેલા તમામ આતંકવાદીઓ રતલામના નિવાસી હોવાની જાણકારી મળતા જ તાત્કાલિક કાર્યવાહી કરતા રાજસ્થાન ATS,મધ્યપ્રદેશ ATS અને રતલામ પોલીસે માસ્ટરમાઈન્ડ સરગના ઈમરાન સહિત 5 લોકોની ધરપકડ કરી હતી.તો ATSની ટીમે ઈમરાનના ઘર અને ફાર્મ હાઉસ પરથી શંકાસ્પદ વસ્તુઓ પણ કબજે કરી હતી.
પોલીસે અત્યાર સુઘીમાં આ મામલે અડધો ડઝનથી વધુ લોકોની ઘરપકડ કરી છે
મહત્વનું છે કે, પોલીસ અત્યારસુધી આ મામલામાં રાજસ્થાન અને રતલામમાંથી અડધા ડઝનથી વધુ લોકોની ધરપકડ કરવામાં આવી ચૂકી છે.જ્યારે 2 આરોપી હજી પણ ફરાર છે.સંભાવના છે કે,ATSની ટીમની તપાસમાં વધુ ખૂલાસા થઈ શકે છે.