માથાકૂટ / વડોદરાના ડભોઇમાં જૂથ અથડામણ: સામસામે લાકડી ને પાઇપોથી ફરી વળ્યાં, 12 લોકો ઇજાગ્રસ્ત, 5 ગંભીર"

Dabhoi News: વડોદરાના ડભોઈમાં કડિયાનાડમાં બે જૂથ વચ્ચે અથડામણ થતા અફરા તફરી મચી છે. આ અથડામણમાં 12 લોકો ઘાયલ થયા છે. જેમાંથી 5 જણાની હાલત ગંભીર છે. ઇજાગ્રસ્તોને સારવાર માટે હોસ્પિટલ લઇ જવામાં આવ્યા છે. ઘટનાની જાણ થતા ડભોઇ પોલીસે મોડી રાત્રે ઘટના સ્થળે પહોંચીને સ્થીતી પર કાબુ મેળવ્યો છે. મામલો વધુ ન વણસે તે માટે ચુસ્ત પોલીસ બંદોબસ્ત ગોઠવી દેવાયો છે.

Vadodara News: વડોદરાના ડભોઈમાં જૂથ અથડામણ, 12 લોકો ઈજાગ્રસ્ત | VTV Gujarati#vadodara #vadodaranews #vadodarapolice #vtvgujarati pic.twitter.com/7C9w7ZDzCB

— VTV Gujarati News and Beyond (@VtvGujarati) March 11, 2024

ટોળા હથિયારો સાથે સામસામે આવી ગયા

ડભોઇના કડિયાવાડ વિસ્તારમાં નજીવી બાબતે મોડી રાત્રે થઈ જૂથ અથડામણ થઇ હતી. બે જૂથ બોલાચાલી બાદ લાકડી-પાઇપો લઇ સામ સામે આવી ગયા હતા. જેમાં મારામારીમાં 12 લોકો ઇજાગ્રસ્ત થતા ઇજાગ્રસ્તોને વડોદરા અને ડભોઇ હોસ્પિટલમાં ખસેડાયા છે. ઇજાગ્રસ્ત  12 લોકોમાંથી 5 જણાની હાલત ગંભીર છે.  સામાન્ય બાબતને લઇને ડભોઇના નગરપાલિકા ચાર રસ્તા પાસે એકાએક બે ટોળા સામસામે આવી ગયા હતા અને ઉગ્ર બોલાચાલી થ

ઇ હતી. આ બોલાચાલી ઉગ્ર બનતા મામલો વણસ્યો હતો અને બંને જૂથો એકબીજા પર તુટી પડ્યા હતા. 

પથ્થરમારો થતા સ્થિતિ તંગબની

રસ્તા પર લોકોના ટોળેટોળા ઉમટી પડતા વાતાવરણ તંગ બન્યું હતું. આટલેથી નહી અટકતા પથ્થરમારો થવા લાગ્યો હતો. આ પથ્થરમારામાં ઇજાગ્રસ્તોને સારવાર માટે હોસ્પિટલ લઇ જવામાં આવ્યા હતા. ઉલ્લેખનીય છે કે આ સમગ્ર મામલાની જાણ થતાં જ પોલીસ કાફલો તેમજ સ્થાનિક ધારાસભ્ય તાત્કાલિક ઘટનાસ્થળે પહોંચ્યા અને પરિસ્થિતિ થાળે પાડી હતી. ક્યા કારણોસર ઘટના બની તેની તપાસ પોલીસ કરી રહી છે. ઇજાગ્રસ્તોના નિવેદન લેવાની કાર્યવાહી હાથ ધરવામાં આવી છે.

વધુ વાંચોઃ હવે અમદાવાદ-મુંબઈ વચ્ચે દોડશે વંદે ભારત ટ્રેન, PM મોદીના હસ્તે કરાશે લોકાર્પણ, જાણો ક્યારે?

પોલીસ કાફલો ખડકી દેવાયો

હોસ્પિટલમાં ઘાયલ થયેલા લોકોની સારવાર કરવામાં આવી રહી છે. ઇજાગ્રસ્તોને માથાના ભાગે વાગતા લોહી નીકળતા હતા. મામલો વધુ વણસે નહી તે માટે વિસ્તારમાં પોલીસનો કાફલો ખડકી દેવામાં આવ્યો છે. હુમલાખોરોને ઝડપી લેવા પોલીસે તજવીજ હાથ ધરી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો