ગાંધીનગર / GPSC ડેપ્યુટી એક્ઝી. એન્જિનિયરની પ્રિલિમ પરીક્ષાનું કટઓફ વાયરલ, વિવાદ વકરતા ચેરમેન દિનેશ દાસાની સ્પષ્ટતા

• કટ-ઓફના વિવાદ પર GPSCની સ્પષ્ટતા
• રિઝલ્ટ સામે સોશિયલ મીડિયામાં ઉઠ્યા સવાલો
• ડેપ્યુ. એક્ઝી. એન્જિનિયરનું ફાઇનલ રિઝલ્ટ નથી

GPSC પ્રિલિમ પરીક્ષાનું કટઓફ વાયરલ થતા રિઝલ્ટ સામે સોશિયલ મીડિયામાં અનેક સવાલો ઉઠી રહ્યા છે. મહત્વનું છે કે GPSC ડેપ્યુટી એક્ઝી. એન્જિનિયરની પ્રિલિમ પરીક્ષાનું કટઓફ વાયરલ વાયરલ થયું હતું જેમાં જનરલ મહિલાઓનું કટઓફ માર્ક્સ 13.12 દર્શાવાયું છે જે મામલે અનેક સવાલો ઉઠતા GPSCના ચેરમેન દિનેશ દાસાની સ્પષ્ટતા કરી છે. 

કટ-ઓફના વિવાદ પર GPSCની સ્પષ્ટતા

દિનેશ દાસાએ ડેપ્યુટી એક્ઝીક્યુટીવ એન્જિનિયરનું આ ફાઇનલ રિઝલ્ટ નથી તેવું જણાવતા કહ્યું કે નિયમ મુજબ પરીક્ષામાં મહિલાની સંખ્યા ઓછી હતી તેમજ સંખ્યા ઓછી હોય ત્યારે છેલ્લી મહિલા ઉમેદવારનું રિઝલ્ટ કટઓફ ગણાય છે અને આ નિયમને કારણે જનરલમાં મહિલાના કટઓફ માર્ક્સ 13.12 દર્શાવાયા છે. તેમણે એમ પણ કહ્યું કે હજુ ફાઇનલ પરીક્ષા અને ઇન્ટરવ્યૂ બાકી છે મહત્વનું છે કે ડેપ્યુટી એક્ઝી. એન્જિનિયરની પરીક્ષામાં જનરલ કેટેગરીમાં બે પોસ્ટ હતી જો કે બે પોસ્ટ માટે માત્ર 26 જ અરજી આવી હતી અને નિયમ મુજબ 15 ગણા લેખે 30 લોકોને પાસ કરવા પડે પરતું 30ની સંખ્યા ન થતા 26 નંબરના ઉમેદવારના રિઝલ્ટને કટઓફ ગણવું પડે છે. 

રિઝલ્ટ સામે સોશિયલ મીડિયામાં ઉઠ્યા સવાલો

આ ફાઇનલ સિલેક્શન નથી. નિયમ મુજબ, જેતે કેટેગરીના 15 ગણા ઉમેદવારો મેઇન્સ માટે ક્વોલિફાઇ થાય છે. મેઇન્સ+ ઇન્ટરવ્યૂના અંતે જો પુરતી સંખ્યામાં મહિલા ઉમેદવાર ન મળે તો, જેતે કેટેગરીના મેરિટના છેલ્લા પુરુષ ઉમેદવારના ગુણના વધુમાં વધુ 10 ટકા રિલેક્સ કરી મહિલા ઉમેદવારની પસંદગી કરવામાં આવે છે અને જેતે કેટેગરીના મેરિટના છેલ્લા પુરુષ ઉમેદવારના ગુણના 10 ટકા રિલેક્સ કર્યા બાદ પણ પુરતી સંખ્યામાં મહિલા ઉમેદવારો ન મળવાના કિસ્સામાં મહિલા ઉમેદવારોએ આયોગ સમક્ષ કરેલી ઘણી પિટીશન હાઇકોર્ટ અને સુપ્રીમ કોર્ટમાં પડતર છે અને આવું ભાગ્યે જ બને છે. સિવિલ/ મિકેનીકલ વિદ્યાશાખામાં 60ના ક્લાસમાં વધુને વધુ 2-5 ગર્લ્સ સ્ટૂડન્ટ હોય છે. આ જાહેરાતમાં 15 ગણા પ્રમાણે જનરલ કેટેગરીના 30 મહિલા ઉમેદવારો મેઇન્સ માટે ક્વોલિફાઇ થવા જોઇએ. જ્યારે અહીં માત્ર મહિલા 26 ઉમેદવાર જ છે અને 26 નંબરના ઉમેદવારનું મેરિટ કટઓફ ગણાય.