ન્યૂ દિલ્હીઃ સરકાર ટૂંક સમયમાં જ ડિજિટલ કરન્સી અંગે મહત્વની જાહેરાત કરી શકે છે. જો આવું થશે તો માર્કેટમાં ડિજિટલ કરન્સી મળવા લાગશે. આ સંબંધમાં આર્થિક મામલાની સચિવની આગેવાનીમાં બનેલ સમિતિએ પોતાનો ડ્રાફ્ટ રિપોર્ટ સરકારને સોંપી દીધો છે.
રિપોર્ટમાં એવું કહેવામાં આવ્યું છે કે સરકારને ડિજિટલ નોટ લાવવા વિશે ગંભીરતાથી વિચારવું જોઇએ. આમાં એવું કહેવામાં આવેલ છે કે બિટકોઇન જેવી વર્ચ્યુઅલ કરન્સી સામે ઝઝુમવા માટે સરકાર સામે ડિજિટલ નોટ રજૂ કરવી જોઇએ.
નાણાં મંત્રાલયનાં સૂત્રો અનુસાર આ રિપોર્ટ પર નાણાં મંત્રાલય ટૂંક સમયમાં જ RBI સાથે મીટિંગ કરશે અને ત્યાર બાદ PMO સાથે મળીને આનાં વિશે અંતિમ ચુકાદો રહેશે.
વર્ચ્યુઅલ કરન્સી પર બનેલી સમિતિનાં ડ્રાફ્ટ રિપોર્ટમાં એવું કહેવાયું છે કે ફિઝિકલ નોટ સાથે ઇલેક્ટ્રોનિક નોટ પણ જારી થવી જોઇએ. ડિજિટલ નોટ જારી કરવા અને સર્ક્યુલેશન પર RBIનો કંટ્રોલ હોવો જોઇએ. ડિજિટલ કરેન્સીનાં સ્ત્રોત લેણ-દેણ ગોપનીય રાખવામાં આવશે.
જાણો શું થશે ફાયદો?
સૂત્રોનાં અનુસાર જો ડિજિટલ કરન્સી ચલણમાં આવે છે તો મની ટ્રાન્ઝેક્શન અને લેણ-દેણનાં આઇડીયા બદલી શકે છે. આનાંથી બ્લેક મની પર અંકુશ લાગશે. સમિતિનું કહેવું એમ છે કે ડિજિટલ કરન્સીથી મોનિટરી પોલિસીનું પાલન આસાન બનશે.
આમાં ડિજિટલ લેઝર ટેક્નોલોજી (ડીએલટી)નો ઉપયોગ થવો જોઇએ. ડીએલટીથી વિદેશમાં લેણ-દેણ વિશે ખ્યાલ રાખવો એ સરળ રહેશે. બિટકોઇન જેની ક્રિપ્ટો કરન્સી રાખવાને આર્થિક ગુનો જાહેર કરી દેવો જોઇએ.