નિયમ / નવી ગાડી ખરીદતા પહેલાં આ વાંચી લેજો, મોદી સરકાર નવો કડક નિયમ લાવવાની તૈયારીમાં

• નવી ગાડી ખરીદવાના હોવ તો જાણી લો આ કામની વાત
• કેન્દ્ર સરકાર ગાડીના રજિસ્ટ્રેશનના નિયમ કડક કરવાની તૈયારીમાં
• કેન્દ્ર સરકાર વાહનની માલિકી માટે જરૂરી ફોર્મ 20માં સુધારો કરી શકે છે

મળતી માહિતી પ્રમાણે સરકારે એક ડ્રાફ્ટ નોટિફિકેશન જારી કરી છે. જેમાં ફોર્મ 20માં સુધારો કરવા સૂચનો માંગવામાં આવ્યા છે. માર્ગ પરિવહન અને હાઇવે મંત્રાલયે એક નિવેદનમાં જણાવ્યું છે કે, મંત્રાલયના ધ્યાનમાં આવ્યું છે કે લોકો ગાડીના રજિસ્ટ્રેશનમાં માલિકીની યોગ્ય નોંધણી કરતા નથી.

નિવેદનમાં આગળ જણાવાયું છે કે, માલિકીના પ્રકારને સ્પષ્ટ રીતે સૂચવવા માટે ફોર્મ 20માં સુધારો કરવાનો પ્રસ્તાવ છે. ઉદાહરણ તરીકે, એક સ્વાતંત્ર્ય સંસ્થાઓ, કેન્દ્ર સરકાર, સર્વોચ્ચ ટ્રસ્ટ, ડ્રાઈવિંગ સ્કૂલ, પીડબ્લ્યુડી, શૈક્ષણિક સંસ્થાઓ, સ્થાનિક અધિકારીઓ, એકથી વધુ માલિક, પોલીસ વિભાગ વગેરે જેવા વિગતવાર માલિકીના પ્રકારોને સ્પષ્ટ કરવા માટે એક સુધારણા કરવાનો પ્રસ્તાવ છે. 

સુધારા દ્વારા ખાતરી કરવામાં આવશે કે વાહનોની ખરીદી / માલિકી / સંચાલન માટે સરકારની વિવિધ યોજનાઓ હેઠળ વિકલાંગોને જીએસટી અને અન્ય છૂટછાટનો લાભ આપવામાં આવી રહ્યો છે. તમને જણાવી દઈએ કે, કેટલાક સમયથી સરકારે વાહનોના રજિસ્ટ્રેશન માટે ઘણાં નિયમોમાં સતત સુધારો કર્યો છે.