દુનિયામાં દરરોજ કરોડો લોકો જેનો ઉપયોગ કરે છે તે નેવિગેશન એપ ગુગલ મેપમાં નવા ફિચર એડ કરાયા છે. ગુગલ મેપ હવે રસ્તો બતાવવા ઉપરાંત ઓટોથી મેટ્રો સુધીના પબ્લિક ટ્રાન્સપોર્ટની માહિતી પણ આપશે. ગુગલે તેની સૌથી લોકપ્રિય એવી એપ ગૂગલ મેપ લોન્ચ કરી તેના 15 વર્ષ પૂરા થયા છે. તે નિમિત્તે કંપનીએ ગુગલ મેપના લોગો ચેન્જ કરવા ઉપરાંત કેટલાક નવા ફિચર્સ ઉમેર્યા છે. ગુગલ એપના નવા લોગો સાથેનું અપડેટ પણ એન્ડ્રોઇડ અને આઇઓએસ પ્લેટફોર્મ પર આપી દેવાયું છે.
ગૂગલે જણાવ્યું હતું કે, એન્ડ્રોઇડ માટે ગૂગલ મેપ પર પબ્લિક ટ્રાન્સપોર્ટનું ટેબ આપવામાં આવ્યું છે.તેને કલિક ઓટોથ રિક્ષા,બસથી લઇને તમામ પબ્લિક ટ્રાન્સપોર્ટની જાણકારી મળી શકશે. આ ઉપરાંત ગુગલ મેપ યુઝર્સને એક જગ્યાએથી બીજી જગ્યાએ જવામાં કેટલો સમય લાગશે તેની જાણકારી આપશે. તેમજ અને કયા સ્ટેશન પર ઓટો રિક્ષા મળી શકે છે તેની માહિતી પણ આપશે. હાલમાં આ સુવિધા દિલ્હી અને બેંગ્લુરુમાં ઉપલબ્ધ છે, પરંતુ ટૂંક સમયમાં તેનો અમલ દેશભરમાં કરવામાં આવશે. આ સિવાય આગામી માર્ચમાં ગૂગલ મેપ પર વધુ નવા ફિચર્સ ઉમેરવામાં આવશે.જેમાં યુઝર્ તે પણ જોઇ શકશે કે તેઓ જે રસ્તા પર કાર લઇને જઇ રહ્યા છે તેમાં કેટલી ભીડ છે. આ સિવાય તાપમાનની માહિતી પણ મળશે.
કંપનીએ એપ્લિકેશનમાં ફેરફાર કરીને વધુ 4 ટેબ્સ એડ કર્યા છે. જેમાં એકસપ્લોર ટેબથી આસપાસના ખાસ સ્થળો જોઇ શકાશે.સેવ્ડ ટેબમાં તમે સેવ કરેલા લોકેશનની જાણકારી મળશે. કન્ટ્રીબ્યુટ ટેબની સહાયથી તમે કોઈ સ્થાનની માહિતી અને ફોટા એડ કરી શકો છો. જ્યારે અપડેટ્સ ટેબ તમને આસપાસના ટ્રેન્ડિંગ સ્થળોની માહિતી આપશે.