ટેક્નોલોજી / વીડિયો/ફોટો ફોરવર્ડ કરનાર યુઝર્સ માટે ગુડ ન્યુઝ, WhatsAppનું આ ફીચર લાગશે જોરદાર કામ

• WhatsApp પર આવ્યું શાનદાર ફિચર 
• હાલ iOS યુઝર્સને મળશે આ અપડેટ
• ફોટો વીડિયો શેર કરવાની સાથે મળશે નવી સુવિધા 

WhatsAppએ iOS માટે નવું સ્ટેબલ અપડેટ 22.23.77 લોન્ચ કર્યું છે. આ અપડેટમાં યુઝર્સને ફોરવર્ડ મીડિયા પર કેપ્શન લખવાની સુવિધા મળશે. એક રિપોર્ટ અનુસાર જ્યારે પણ iOS યુઝર્સ ફોટો, વીડિયો, GIF અથવા ડોક્યુમેન્ટ્સ શેર કરશે, ત્યારે તેમને તેના પર કૅપ્શન લખવાની સુવિધા મળશે.

અપડેટ કરવું પડશે વર્ઝન 
પ્રાપ્ત માહિતી અનુસાર આ ફીચરનો ઉપયોગ કરવા માટે યુઝરને વર્ઝન 22.23.77 થી અપડેટ કરવું પડશે. પરંતુ કેટલાક લકી યુઝર્સને આ ફિચર 22.23.76 અપડેટમાં પણ મળી રહ્યું છે. જો કે રિપોર્ટમાં એમ પણ કહ્યું છે કે જો કોઈ યુઝર એપમાં આ ફીચર જોઈ શકતા નથી તો તેણે આગામી અપડેટની રાહ જોવી પડશે. 

યુઝર્સને મળશે કેપ્શન લખવાનો વિકલ્પ 
હાલના સમયમાં જ્યારે કોઈપણ મીડિયા ફાઈલ, ફોટો, વીડિયો ફોરવર્ડ કરીએ છીએ ત્યારે ફોરવર્ડ બટન દબાવતાની સાથે જ તે ચેટમાં સેન્ડ થઈ જાય છે. પરંતુ આ ફીચરની શરૂઆત બાદ યુઝરને કેપ્શન લખવાનો વિકલ્પ મળશે.

કેપ્શનનો ઓપ્શન દૂર પણ કરી શકાશે 
આ ફીચર ખરેખર કેવી રીતે કામ કરશે તે બતાવવા માટે રિપોર્ટમાં એક સ્ક્રીનશૉટ પણ શેર કરવામાં આવ્યો છે. તે જોઈ શકાય છે કે જો તમે કેપ્શન સાથે ફોટો અથવા વીડિયો ફોરવર્ડ કરવા માંગતા નથી તો તમને તેમાં ડિસમિસ બટન મળશે, જેથી તમે કેપ્શનને દૂર કરી શકો.

મહત્વનું છે કે આ કૅપ્શન ફીચર માત્ર ફોટા માટે જ નથી પણ વીડિયો, GIF અને કોઈપણ ડોક્યુમેન્ટ માટે પણ છે. આ ઉપરાંત એવું પણ કહેવામાં આવ્યું છે કે કૅપ્શન્સ સાથે ફોરવર્ડ મીડિયા પણ એન્ડ-ટુ-એન્ડ એન્ક્રિપ્ટેડ હશે.