ઘટાડો / સોના-ચાંદીના ભાવને લઈને આવ્યાં સારા સમાચાર, જાણો ક્લિક કરીને ભાવ

દેશમાં કોરોના વાયરસ અંગે વધી રહેલી ચિંતાઓ વચ્ચે ગુરુવારે સોનું સસ્તુ થયું હતું. માંગમાં ઘટાડો થવાને કારણે સોનાના ભાવમાં આ ઘટાડો થયો છે. ગુરુવારે સોનાના જ નહીં, ચાંદીના ભાવ પણ ઘટ્યા હતા. પાટનગર દિલ્હીમાં આજે 10 ગ્રામ સોનાના ભાવમાં 157 રૂપિયાનો ઘટાડો થયો છે જયારે ચાંદીના ભાવમાં પણ કિલોદીઠ 99 રૂપિયા નો ઘટાડો થયો છે. બુધવારે અગાઉ બંને કિંમતી ધાતુઓની કિંમતોમાં વધારો થયો હતો.

સોનાનો નવો ભાવ 5 માર્ચ 2020 

બુધવારે દિલ્હીના બુલિયન માર્કેટમાં સોનાનો ભાવ દસ ગ્રામ દીઠ રૂ .44,407 થી ઘટીને 44,250 રૂપિયા પ્રતિ દસ ગ્રામ થયો છે. આમ આજે સોનાના ભાવમાં 157 રૂપિયાનો ઘટાડો થયો છે. બુધવારે દિલ્હી બુલિયન માર્કેટમાં સોનાનો ભાવ 1,155 રૂપિયા વધી 44,383 રૂપિયા થયો હતો જયારે આંતરરાષ્ટ્રીય બજારમાં એક ઔંસના સોનાની કિંમત 1640 ડોલર હતી.

ચાંદીના નવા ભાવ 5 માર્ચ 2020  

સોનાની જેમ ગુરુવારે ચાંદીના ભાવમાં પણ ઘટાડો જોવા મળ્યો છે. ગુરુવારે દિલ્હી બુલિયન માર્કેટમાં એક કિલો ચાંદીનો ભાવ 99 રૂપિયા ઘટીને 47,517 રૂપિયા થયો છે. બુધવારે ચાંદીનો ભાવ 46,531 રૂપિયાથી વધીને 47,729 રૂપિયા પ્રતિ કિલો થઈ ગયો હતો. આ સમય દરમિયાન ભાવમાં પ્રતિ કિલો 1,198 રૂપિયાનો ઉછાળો નોંધાયો હતો જયારે આંતરરાષ્ટ્રીય બજારમાં એક ઔંસના ચાંદીની કિંમત 17.17 ડોલર હતી.

શું છે નિષ્ણાતોનો મત?

એચડીએફસી સિક્યોરિટીઝના સિનિયર એનાલિસ્ટ તપન પટેલના મતે ગુરુવારે દિલ્હી બુલિયન માર્કેટમાં સોનાના ભાવમાં 10 ગ્રામ દીઠ 157 નો ઘટાડો થયો છે જેનું મુખ્ય કારણ ડોલર સામે રૂપિયાના ઘસારાને કારણે કિંમતી ધાતુઓના ભાવ આજે ઘટ્યા છે. નોંધનીય કે કોરોના વાયરસ આપત્તિને કારણે વિશ્વભરના અર્થતંત્રમાં સુસ્તી આવવાની સંભાવના છે.