સોના અને ચાંદીની કિંમતોમાં સતત 5મા દિવસે પણ ઘટાડો થયો છે. સોનાના ભાવ 1 વર્ષના નીચેના સ્તરે આવી ચૂક્યા છે.
એક વર્ષમાં સોથી સસ્તુ થયું સોનું
આજે સતત 5મા દિવસે ઘટ્યા સોના અને ચાંદીના ભાવ
જાણો આજના નવા ભાવ
લગ્નની સીઝન આવી હોવા છતાં પણ આજે સતત 5મા દિવસે પણ સોનાના ભાવ ઘટ્યા છે અને ચાંદીની કિંમતોમાં પણ ઘટાડો જોવા મળ્યો છે. જેના કારણે સોનાના ભાવ એક વર્ષના નીચેના ભાવે પહોંચ્યા છે. એમસીએક્સ પર જૂનમાં સોનાનો વાયદો 0.3 ટકાના ઘટાડા સાથે 44,300 રૂપિયા પ્રતિ 10 ગ્રામ પર ટ્રેન્ડ કરી રહ્યો હતો. છેલ્લા 7 દિવસમાં પાંચમી વખત ઘટાડો આવ્યો છે. ચાંદીની વાત કરીએ તો 0.8 ટકા ઘટીને 62,617 રૂપિયા પ્રતિ કિલો થયું છે.
આ છે સોનાની નવી કિંમત
દિલ્હીના સર્રાફા બજારમાં બુધવારે સોનાનો ભાવ 44,300 રૂપિયા પ્રતિ 10 ગ્રામ રહ્યો છે જે 1 વર્ષના સૌથી નીચેના સ્તરે છે. જ્યારે આંતરરાષ્ટ્રિય બજારમાં હાજર સોનું 0.1 ટકા ઘટીને 1,683.56 ડોલર પ્રતિ ઓંસ પર આવ્યું છે.
ચાંદીની નવી કિંમત
ચાંદીની કિંમતોમાં બુધવારે ઘટાડો જોવા મળ્યો છે. દિલ્હીના સર્રાફા બજારમાં ચાંદી 0.8 ટકા ઘટીને 62,617 રૂપિયા પ્રતિ કિલો થયું છે. આંતરરાષ્ટ્રિય બજારમાં આજે ચાંદી 24.01 ડોલર પ્રતિ ઓંસ રહ્યું છે.
ગઈકાલે આટલા હતા સોના- ચાંદીના ભાવ
ગઈકાલે સોનાના ભાવ 44,538 રૂપિયા પ્રતિ 10 ગ્રામ અને ચાંદીની કિમંત 63,985 રૂપિયા પ્રતિ કિલો હતી.
શું હજુ ઘટી શકે છે સોનાના ભાવ
એક્સપર્ટનું માનવું છે કે સોનાની કિંમતમાં ઘટાડો હોવો એ લાંબા સમય માટે નહીં હોય. ડોલરમાં ઘટાડો, વધતી મુદ્રાસ્ફિતિના દબાવમાં મૌદ્રિક વિસ્તારનો સોનાની કિંમત પર સીધી અસર પડી રહી છે.
સોનું ખરીદવાનો છે સારો અવસર
ઘરેલૂ બજારમાં સોનાની જોરદાર માંગ બની છે. લગ્નની સીઝન ચાલી રહી છે અને કિંમતોમાં ઘટાડો જોવા મળી રહ્યો છે. એવામાં માંગમાં દબાણ હજુ પમ વધી શકે છે. આ કારણે કિંમતમાં ઘટાડા શોર્ટ ટર્મની વાત છે. સોનું જલ્દી બાઉન્સ બેક કરશે. આ માટે સોનાની જ્વેલરી સૌથી સારો અવસર છે.