ઉછાળો / લગ્ન સિઝનમાં સોનાની કિમંતે બગાડ્યો મૂડ, છેલ્લા 6 મહિનાની ટોચ પર પહોંચ્યા ભાવ, જાણો લેટેસ્ટ રેટ

• લગ્નસરાની સીઝનમાં સોનું બન્યું મોંઘુ
• છેલ્લા બે મહિનામાં સોનાના ભાવમાં જોરદાર ઉછાળો
• સોનાની કિંમત 61,440 રૂપિયા પ્રતિ 10 ગ્રામ

એક બાજુ દેશમાં લગ્નનિબસિઝનના શ્રીગણેશ થયા છે. જેને લઈને ધોમ લગ્નગાળો જોવા મલી રહ્યોં છે. પરિણામે હોલ પાર્ટી પ્લોટ ફૂલ છે. ત્યારે સોનાના ભાવમાં તીવ્ર વધારો જોવા મળતા લગ્નની મોજ ફિક્કી લાગી રહી છે. સોનાના ભાવમાં રેકોર્ડબ્રેક વધારો લગ્નની સિઝનનો મૂડ બગાડી શકે છે. સોમવાર, 27 નવેમ્બર, 2023 ના રોજ, નબળા યુએસ ડૉલરને કારણે, સોનાનો ભાવ છ મહિનામાં સર્વોચ્ચ સ્થાન પર પહોંચી ગયો છે. જેને લઇને જે પરિવારના આંગણે લગ્ન છે. તેવા લોકો મુંજાયા છે.

 
આંતરરાષ્ટ્રીય બજારમાં સોનાની કિંમત પ્રતિ ઔંસ $2,019.92 પર પહોંચી ગઈ છે. અગાઉ, 16 મે, 2023 ના રોજ, સોનાની કિંમત પ્રતિ ઔંસ $ 2017.82 ના સ્તરે પહોંચી હતી. યુએસ સેન્ટ્રલ બેંક ફેડરલ રિઝર્વ અપેક્ષા કરતા વહેલા તેની નાણાકીય નીતિમાં રાહત આપવાનું શરૂ કરી શકે છે, જેના કારણે સોનાના ભાવમાં તીવ્ર વધારો જોવા મળ્યો છે. એક બાજુ ઇઝરાયલ હમાસ યુદ્ધ અને નબળા વૈશ્વિક સંકેતોને લઈને વૈશ્વિક અનિશ્ચિતતા, કમરતોડ ફુગાવો અને સમગ્ર વિશ્વમાં રાજકીય તણાવને કારણે સોનાના ભાવમાં આગ ઝરતી તેજી જોવા મળી રહી છે. હાલમાં જ વર્લ્ડ ગોલ્ડ કાઉન્સિલે તેના રિપોર્ટમાં જણાવ્યું હતું કે વિશ્વભરની સેન્ટ્રલ બેંકો સતત સોનાની ખરીદી કરી રહી છે. ભારતમાં ગુરુ નાનક જયંતિના કારણે 27 નવેમ્બર સોમવારના રોજ બુલિયન બજાર બંધ રહ્યું હતું.હવે આંતરરાષ્ટ્રીય બજારમાં સોનાની કિંમતમાં થયેલા વધારાને લઈને આવતીકાલે બજાર ખુલતા અસર પડી શકે તેમ છે.

ઈન્ડિયા બુલિયન જ્વેલર્સ એસોસિએશન દ્વારા સત્તાવાર રીતે જાહેર થયેલ વિગત અનુસાર 24 નવેમ્બરે સોનાની તોલાદીઠ કિંમત 61,440 રૂપિયા હતી. ઈન્ડિયા બુલિયન એન્ડ જ્વેલર્સ એસોસિએશનના ડેટા અનુસાર 4 ઓક્ટોબર 2023ના રોજ સોનાની કિંમત 56,627 રૂપિયા પ્રતિ 10 ગ્રામ હતી. એટલે કે બે મહિનાથી ઓછા સમયમાં સોનાની કિંમતમાં 4813 રૂપિયા જેવો જંગી વધારો જોવા મળ્યો છે.