ભાજપે અરૂણાચલ પ્રદેશ અને સિક્કિમ વિધાનસભા ચૂંટણી માટે 19 ઉમેદવારોની યાદી જાહેર કરી છે. આ 18 ઉમેદવારોમાં 6 અરુણાચલ અને 12 સિક્કિમના નામો શામેલ છે.
ઉલ્લેખનીય છે કે આવતા મહિને થનારી વિધાનસભા ચૂંટણીઓ પહેલાં બુધવારે અરુણાચલ પ્રદેશમાં ભાજપના 2 મંત્રી અને 12 ધારાસભ્યોએ રાજીનામું આપી દીધું અને મેઘાલયના મુખ્યમંત્રી કોનરાડ સંગમાની નેશનલ પીપલ્સ પાર્ટી (NPP)માં શામેલ થઈ ગયાં.
NPP દ્વારા આયોજિત સ્વાગત સમારોહ દરમ્યાન અરુણાચલના ગૃહમંત્રી કુમાર વાઈએ કહ્યું કે જો ભાજપ સાચી પાર્ટી હોતી તો હું તેમના માટે કામ કરી રહ્યો હોત. ભાજપ કહે છે તે તેમની પ્રાથમિકતામાં સૌથી પહેલાં દેશ, પછી પાર્ટી અને ત્યાર બાદ તેના સભ્યો છે. પરંતુ અહીં વંશવાદની રાજનીતિ કરવામાં આવી રહી છે. અરૂણાચલ એક સેક્યુલર રાજ્ય છે પરંતુ ભાજપ એક ધર્મ વિરોધી પાર્ટી છે.
બીજી બાજુ નેશનલ પીપલ્સ પાર્ટીના રાષ્ટ્રીમ મહાસચિવ થોમસ સંગમાએ રાજ્માં કોઈ પણ ગઠબંધનની સંભાવનાને ખારિજ કરતા કહ્યું કે ભાજપના મંત્રીઓ અને ધારાસભ્યોનું પોતાની પાર્ટીમાં સ્વાગત કરીએ છીએ. ભાજપની વિચારધાર બિલ્કુલ ખોટી છે.
મહત્વનું છે કે ગૃહમંત્રી કુમાર વાઈ, પર્યટન મંત્રી જારકાર ગામલિન અને અન્ય ધારાસભ્યોને ભાજપે ટિકિટ આપવાથી ઇન્કાર કરી દીધો હતો. વાઈએ કહ્યું કે ભાજપે ખોટા વાયદા કરીને લોકોના મનમાં પોતાના જેવી પ્રતિષ્ઠા ગુમાવી દીધી છે. તેમણે કહ્યું કે અમે માત્ર ચૂંટણી જ નહીં લડીએ પરંતુ રાજ્યમાં NPPની સરકાર પણ બનાવીશું. જ્યારે તેમના ઉપરાંત PPA (પીપલ્સ પાર્ટી ઓફ અરૂણાચલ) ના એક ધારાસભ્ય અને ભગવા પાર્ટીના અન્ય 19 નેતા પણ NPPમાં શામેલ થયા છે.