ગુજરાત સરકાર દ્વારા લેવામાં આવેલી લોક રક્ષક દળની પરીક્ષા શરૂઆતથી જ વિવાદિત રહી છે. શરૂઆતમાં પેપર લીક થયા બાદ પરીક્ષા રદ થઈ અને ત્યારબાદ ફરી પરીક્ષા લેવાઈ. પરંતુ જ્યારે પરીક્ષાનું રિઝલ્ટ આવ્યું ત્યારે ફરી આ ભરતી સરકાર માટે માથાનો દુખાવો બની ગઈ.
સરકારની હાલત સુડી વચ્ચે સોપારી
હાલ બિનઅનામત વર્ગ અને OBC મહિલાઓ વચ્ચે ખેંચતાણ
LRD પરીક્ષાનું મેરિટ મુખ્ય બે કારણોસર વિવાદમાં રહી
જેમાં સૌ પ્રથમ જૂનાગઢ આસપાસના માલધારી સમાજે વિરોધ કર્યો. ત્યારબાદ એ જ મુદ્દે દક્ષિણ ગુજરાતના આદિવાસી સમાજે મોરચો માંડ્યો.. આ બન્નેના મોરચાનું મુખ્ય કારણ હતું આદિવાસી સમાજનું સર્ટિફિટેક.
સરકારની હાલત સુડી વચ્ચે સોપારી
બીજી તરફ OBC મહિલા ઉમેદવારો અને બિન અનામત મહિલા ઉમેદવારોએ પણ સરકાર સામે મોરચો માંડ્યો અને હવે આ મુદ્દે એટલો પેચીદો બની ગયો છે કે સરકારની હાલત સુડી વચ્ચે સોપારી જેવી બની છે.
કયા ત્રણ મુદ્દે સરકાર ભેરવાઈ?
બિન અનામત વર્ગ
LRD મહિલા અનામત
આદિવાસી ખોટા પ્રમાણપત્ર
હાલ બિનઅનામત વર્ગ અને OBC મહિલાઓ વચ્ચે ખેંચતાણ
સરકાર પર પોતાની વોટ બેંક અને સિંદ્ધાંતિક બાબતોનું સમતુલન કરીને નિર્ણય કરવાનો છે. હાલ બિનઅનામત વર્ગ અને OBC મહિલાઓ વચ્ચે ખેંચતાણ છે. તો બીજી તરફ માલધારીઓ અને આદિવાસીઓ વચ્ચે ખેંચતાણ ચાલી રહી છે. ત્યારે જોવાનું એ છે કે સરકાર આટલા ગંભીર અને નાજુક મામલે આગળ શું નિર્ણય કરશે.