બિડિંગ / વાહન માટે મનગમતો નંબર જોઈતો હોય તો ગુજરાત સરકાર આપી રહી છે તક, જાણો પ્રોસેસ

• મનગમતા નંબર માટે GJ-18-DN નવી સીરિઝ બહાર પડશે
• તા 1 જાન્યુઆરી 2022થી તારીખ 3 જાન્યુઆરી 2022 સુધી ઓનલાઈન અરજી કરી શકાશે
• તારીખ 4 અને 5 જાન્યુઆરી 2022 સુધી બિડિંગ કરી શકાશે

ગાંધીનગર એ આર ટી ઓ કચેરી ખતે ટુ વ્હીલર વાહનો માટે નવી સીરીઝ GJ-18-DNના પસંદગીના નંબરો મેળવવા ઓનલાઇન ઓકશન પ્રોસેસ આગામી તા.૧ જાન્યુઆરી-૨૦૨૨થી શરૂ થશે. ઈ ઓક્શનની પ્રક્રિયામાં ઓનલાઈન અરજી તારીખ 1 થી 3 જાન્યુઆરી 2022 સુધી કરી શકાશે. ઈ-ઓક્શનની પ્રક્રિયામાં તા. 4 અને 5 જાન્યુઆરી 2022ના રાત્રિ સમય 12 કલાક સુધી બિડિંગ કરી શકાશે.

નીચેની વેબસાઇટ પર માહિતી મળશે
આ ઈ ઓક્શનમાં ભાગ લેવા ઈચ્છુક અરજદારો વધુ માહિતી વેબસાઈટ www.parivahan.gov.in પરથી મેળવી શકશે. અરજદારોએ હરાજીઇ બિડિંગ પ્રક્રિયા દરમિયાન વખતો વખત રૂપિયા 1,000ના ગુણાંકમાં વધારો કરવાનો રહેશે. ટુ તથા ફોર વ્હીલર માટે સિલ્વર તથા ગોલ્ડન નંબર માટે અરજદારોએ જરૂરી બેઇઝ પ્રાઈઝ ચૂકવવાની રહેશે.

હરાજીમાં નિષ્ફળ થયેલા અરજદારોને નાણા પરત કરાશે
આ હરાજીની પ્રક્રિયામાં સફળ થયેલા અરજદારોએ બાકીના નાણા પાંચ દિવસમાં ભરપાઈ કરવાના રહેશે. હરાજીમાં નિષ્ફળ ગયેલા અરજદારોને નાણાંની પરત ચુકવણી અરજદારોએ જે મોડથી ચૂકવણું કર્યું હશે તે જ મોડથી કરવામાં આવશે. તેમ સહાય પ્રાદેશિક વાહન વ્યવહારની કચેરી ગાંધીનગરની યાદીમાં જણાવાયું છે.