- શેરબજારની તેજી પર અચાનક ચોથા દિવસે બ્રેક
- BSE સેંસેક્સ 294 અંક તૂટયો
- નિફ્ટીમાં પણ ઘટાડો નોંધાયો
છેલ્લા ઘણા સમયથી શેરબજારમાં આગ જરતી તેજી જોવા મળી હતી. જેથી રોકાણકારો પણ ગેલમાં હતા, જો કે તેમની આ ખુશી વધુ સમય સુધી ટકી નહીં અને ત્રણ દિવસની તેજી બાદ અચાનક ચોથા દિવસે બ્રેક લાગી ગઇ છે. BSE સેંસેક્સ 294 અંક તૂટીને 62,848 પર બંધ રહ્યો હતો. આવી જ રીતે નિફ્ટીમાં પણ ઘટાડો નોંધાયો છે. જે ગુરુવારે 18,634 પર બંધ થયો છે. બજારમાં ચોથા દિવસે આવેલી મંદીમાં સૌથી વધુ ઘટાડો IT અને રિયલ્ટી શેરમાં જોવા મળ્યા છે. વાત બુધવારની કરીએ તો ઘરેલુ બજાર સતત ચોથા દિવસે પણ તેજીમાં બંધ રહ્યાં હતા જેમાં BSE સેંસેક્સ 350 અંકના વધારા સાથે 63,142 પર બંધ રહ્યાં હતા.
આ શેરમાં થયો વધારો
સ્ટોક માર્કેટના હાલચાલ પર નજર કરીએ તો નિફ્ટીના કેટલાક શેરમાં નોંધપાત્ર રીતે વધારો નોંધાયો હતો જેમાં NTPCના શેરમાં 2.50%ની તેજી જોવા મળી છે. તો JSE steelના શેરમાં 2.50 ટકાનો વધારો નોંધાયો છે. જ્યારે ONGCમાં સતત ચોથા દિવસે પણ આગ જરતી તેજી જોવા મળી હતી તેમાં 1.50 ટકાની તેજી જોવા મળી હતી અને L&Tના શેરમાં 1 ટકાની તેજી જોવા મળી છે.
GRASIMના શેરમાં 3.30 ટકાનો ઘટાડો
તો બજારમાં જે શેરની કિંમતમાં ઘટાડો નોંધાયો છે તેની વાત કરીએ તો સૌથી વધુ GRASIMના શેરમાં 3.30 ટકાનો ઘટાડો થયો છે. આ સિવાય સન ફાર્માના શેરમાં -3 ટકા, કોટક બેંકમાં 2.90 ટકા અને ટેક મહિન્દ્રાના શેરમાં 2.40 ટકાનો ઘટાડો નોંધાયો છે. ત્યારે બજારમાં પડેલા 300 અંકના ગાબડાને કારણે રોકાણકારોનું ટેન્શન વધાર્યું છે. ત્યારે શુક્રવારે ખુલતી બજાર પર સૌકોઇ મીટ માંડીને બેઠા છે.
