રાફેલ ડીલ માટે રિલાયન્સ સાથે સોદો કરવાની રખાઇ હતી શરત: ફેંચ વેબસાઇટ

રાફેલ ડીલ પર દેશમાં ચાલી રહેલા રાજકીય ઉથલપાથળ વચ્ચે ફ્રાંસની વેબસાઈટ મીડિયાપાર્ટે દાવો કર્યો છે કે દલોસ્ટ સામે રાફેલ ડીલને લઈને રિલાયન્સ સાથે સોદો કરવાની શરત મૂકવામાં આવી હતી. વેબસાઈટે એવો પણ દાવો કર્યો છે કે દસોના પ્રતિનિધિએ અનિલ અંબાણીની કંપનીની મુલાકાત પણ કરી હતી ત્યારે સેટેલાઈટ ઈમેજથી ધ્યાનમાં આવ્યું છે કે ત્યાં માત્ર એક વેર હાઉસ હતુ આ સિવાય કોઈ પણ અન્ય સુવિધા નહોતી. 

વેબસાઇટની તરફથી જારી કરવામાં આવેલા દસ્તાવેજો અનુસાર ફ્રેંચ દર્સોની સામે અનિલ અંબાણીની કંપની રિલાયન્સની સાથે રાફેલ ડીલ કરવા માટે શરત રાખી હતી અને આ સિવાય અન્ય કોઇ વિકલ્પ આપ્યો ન હતો. દર્સોના એવિએશન ચીફ એક્ઝિક્યૂટિવ ઑફિસરે નાગપુરમાં બંને કંપનીઓના સ્ટાફની સમે પ્રેઝેન્ટેશન આપતા સમયે આ વાત સ્પષ્ટ પણ જણાવી છે. મીડિટાપાર્ટે પોતાના દસ્તાવેજમાં આ દાવો કર્યો છે.  દર્સોના ડિપ્ટી CEOએ આ નિવેદન 11 મે 2017માં નાગપુરમાં આપ્યુ હતુ. જોકે હવે જ્યારે મીડિયાપાર્ટની તરફથી આ વિશે દર્સો કંપનીની પ્રતિક્રિયા માંગવામાં આવી તો તેમણે આ દસ્તાવેજની વાત ખારિજ કરતા ટિપ્પણી કરવાનો ઇન્કાર કરી દીધો હતો. 

 

Explosive revelation in French media: an internal Dassault document says the Reliance offset deal was a “trade-off” “imperative and obligatory” to clinch the #Rafale deal. ⁦@INCIndia⁩ https://t.co/2xiMmgwL9K

— Shashi Tharoor (@ShashiTharoor) October 10 2018

કેટલાંક દિવસ પહેલા ફ્રેન્ચ વેબસાઈટે ફ્રાંસના પૂર્વ રાષ્ટ્રપતિ ફ્રાંસ્વા ઓલાંદના હવાલાથી લખ્યુ કે ''રાફેલ ડીલ માટે ભારત સરકાર તરફથી અનિલ અંબાણીની રિલાયન્સ કંપનીનો પ્રસ્તાવ રજૂ કર્યો હતો. દસો એવિએશન કંપની પાસે કોઈ વિકલ્પ ન હતો. ઓલાંદનું કહેવું છે કે ભારત સરકાર તરફથી જ રિલાયન્સ કંપનીના નામની ભલામણ કરવામાં આવી હતી. જેને પસંદ કરવામાં દસોની કોઈ ભૂમિકા નથી.''

ફ્રાંસ્વા ઓલાંદનો ઇન્ટવ્યૂ છાપનારી મીડિયાપાર્ટના અધ્યક્ષે જણાવ્યુ કે ''ડીલને લઇને ઓલાંદ બિલ્કુલ સ્પષ્ટ છે. તેમણે ડીલના સમયે અનિલ અંબાણીની હાજરીની લઇને ભારત સરકારને સવાલ કર્યા હતા. ભારત સરકારની તરફથી આ મામલાના રિલાયન્સ પર થોપવામાં આવ્યો છે. પહેલા આ કરારમાં 100થી વધારે વિમાન હતા પરંતુ ત્યાર બાદ ભારત સરકારે 36 વિમોનાને લઇને સહમતિ દાખવી હતી.''