- ભારતને જરૂર પડ્યે વધારાના રાફેલ જેટ આપવા માટે તૈયાર છીએ
- ભારતે 36 રાફેલ ફાઈટર જેટ માટે કરાર પર હસ્તાક્ષર કર્યા હતા
- ભારત સાથે નવી સંભાવનાઓને અવકાશ છે
ફ્રાન્સના રક્ષામંત્રીએ કહ્યું કે, ભારતને જરૂર પડ્યે વધારાના રાફેલ જેટ આપવા માટે તૈયાર છીએ
ફ્રાન્સના સંરક્ષણ પ્રધાન ફ્લોરેન્સ પાર્લેએ કહ્યું કે તેમનો દેશ ભારતને જરૂર પડ્યે વધારાના રાફેલ ફાઈટર જેટ આપવા માટે તૈયાર છે. તેમણે ઉમેર્યું હતું કે વ્યૂહાત્મક ભાગીદારો દ્વારા સમાન પ્રકારના એરક્રાફ્ટનો ઉપયોગ તેમના સંબંધોની "વાસ્તવિક સંપત્તિ અને શક્તિ" દર્શાવે છે. પારલે, જેઓ ભારતની મુલાકાતે છે, તેમણે તેમના ભારતીય સમકક્ષ રાજનાથ સિંહ સાથે વિવિધ મુદ્દાઓ પર વાતચીત કરતા પહેલા થિંક-ટેન્કમાં આ ટિપ્પણી કરી હતી.
ભારત સાથે નવી સંભાવનાઓને અવકાશ છે - ફ્રાન્સના સંરક્ષણ પ્રધાન
ફ્રાન્સના સંરક્ષણ પ્રઘાને કહ્યું કે, એક જ પ્રકારના વિમાનનો ઉપયોગ કરવો એ વાસ્ચવિક સંપત્તિ અને તાકાત છે. મને ખાતરી છે કે, નવી શક્યતાઓ માટે અવકાશ છે. જો ભારત વધારાની જરૂરિયાત વ્યક્ત કરશે તો અમે તેનો જવાબ આપવા તૈયાર છીએ. ફ્રાન્સના સંરક્ષણ પ્રધાને ભારતીય નૌકાદળના કાફલામાં બીજા એરક્રાફ્ટ કેરિયરને સામેલ કરવાની યોજનાની રૂપરેખા આપતાં સંકેત આપ્યો કે ફ્રાન્સ જહાજ આધારિત ફાઇટર જેટ સપ્લાય કરવામાં રસ ધરાવે છે. "અમે જાણીએ છીએ કે એરક્રાફ્ટ કેરિયર ટૂંક સમયમાં સેવામાં આવશે... તેના માટે એરક્રાફ્ટની જરૂર પડશે," તેમણે કહ્યું. જો ભારત નક્કી કરે છે તો અમે અન્ય રાફેલ આપવા તૈયાર છીએ.
ફ્રાન્સ વધુ રાફેલ એરક્રાફ્ટની ખરીદી માટે વાટા ઘાટો કરવાની ઈચ્છા વ્યક્ત કરી
ઉલ્લેખનીય છે કે, ભારતના પ્રથમ સ્વદેશી નિર્મિત એકક્રાફ્ટ કેરિયર વિક્રાંતને આવતા વર્ષે ઓગસ્ટમાં ભારતીય નૌકાદળમાં સામેલ કરવાની યોજના છે. ફ્રાન્સની કંપની દસોલ્ટ એવિએશન દ્વારા નિર્મિત રાફેલ એરક્રાફ્ટનું પ્રથમ કન્સાઈનમેન્ટ ગયા વર્ષે 29મી જુલાઈએ ભારતને સપ્લાય કરવામાં આવ્યું હતું. એવું માનવામાં આવે છે કે, ફ્રાન્સ વધુ 36 રાફેલ એરક્રાફ્ટની ખરીદી માટે ભારત સાથે વાટા ઘાટો કરવાની ઈચ્છા વ્યક્ત કરી રહ્યું છે.
