નવા વર્ષ 2021માં સૂર્ય, પૃથ્વી અને ચંદ્રની ચાલ આકી દુનિયામાં ખગોળ પ્રેમીઓને એક પૂર્ણ ચંદ્રગ્રહણ અને એક પૂર્ણ સૂર્યગ્રહણની સાથે 4 ગ્રહણનો અનુભવ કરાવશે. ભારતમાં તેમાંથી 2 ખગોળીય ઘટનાઓ જોઈ શકાશે. વર્ષની શરૂઆત પૂર્ણ ચંદ્રગ્રહણ સાથે થશે.
નવું વર્ષ લઈને આવ્યું છે 4 ગ્રહણનો સંયોગ
ભારતમાં 2 ખગોળીય ઘટનાઓ જોઈ શકાશે
વર્ષની શરૂઆત પૂર્ણ ચંદ્રગ્રહણ સાથે થશે
નવા વર્ષે આ રીતે સર્જાશે ખગોળીય ઘટનાઓ
26 મેના રોજ શરૂ થનારું ચંદ્ર ગ્રહણ વર્ષનું પહેલું ચંદ્ર ગ્રહણ રહેશે. ભારતના પૂર્વોત્તર રાજ્યો, પશ્ચિમ બંગાળના કેટલાક ભાગો અને ઓરિસ્સાના તટીય વિસ્તારોમાં તે જોઈ શકાશે. આ સમયે ચંદ્ર પૃથ્વીની છાયાથી 101.6 ટકા ઢંકાયેલો રહેશે. પૂર્ણ ચંદ્રગ્રહણ ત્યારે લાગે છે જ્યારે સૂર્ય અને ચંદ્રની વચ્ચે પૃથ્વી આવે છે અને પોતાના ઉપગ્રહ ચંદ્રમાને પોતાની છાયાથી ઢાંકી લે છે. ચંદ્ર આ સ્થિતિમાં પૃથ્વીની ઓટમાં છુપાઈ જાય છે અને આ ખગોળીય ઘટના સમયે પૃથ્વી પર સૂર્યનો પ્રકાશ પડતો નથી. તે સમયે ચંદ્રનો પ્રકાશ લાલ દેખાય છે માટે તેને બ્લડ મૂન પણ કહેવાય છે.
10 જૂને યોજાશે વર્ષનું પહેલું સૂર્ય ગ્રહણ
આ દિવસે વલયાકાર સૂર્ય ગ્રહણ યોજાશે પણ તે દેશમાં જોવા મળશે નહીં. આ ખગોળીય ઘટના સમયે સૂર્ય અને પૃથ્વીની વચ્ચે ચંદ્ર આવશે. આ કારણે પૃથ્વી વાસીઓને સૂર્ય રિંગ ઓફ ફાયરના રૂપમાં 94.3 ટકાનું દ્રશ્ય જોવા મળશે.
19 નવેમ્બરે યોજાશે આંશિક ચંદ્ર ગ્રહણ
અરુણાચલ પ્રદેશ અને આસામના કેટલાક ભાગમાં ખૂબ જ ઓછો સમય ગ્રહણની અસર રહેશે. આ ખગોળીય ઘટનાના ચરમ પર ચંદ્રમા 97.9 ટકા ભાગ પૃથ્વીની છાયાથી ઢંકાયેલો રહેશે.
4 ડિસેમ્બરે યોજાશે સૂર્ય ગ્રહણ
4 ડિસેમ્બરે વર્ષનું છેલ્લું પૂર્ણ સૂર્ય ગ્રહણ જોવા મળશે, સૂર્ય અને પૃથ્વીની વચ્ચે ચંદ્ર એવી રીતે આવે કે સૌરમંડળનો મુખ્ય સૂર્ય 103.6 ટકા ઢંકાઈ જશે. વર્ષ 2021નું આ ગ્રહણ ભારતમાં જોઈ શકાશે નહીં.