પાકિસ્તાનના પૂર્વ પ્રધાનમંત્રી ઈમરાન ખાનની ઈસ્લામાબાદ હાઈકોર્ટની બહારથી ધરપકડ કરાઈ છે.
પાક.ના પૂર્વ પીએમ ઈમરાન ખાનની ધરપકડ
અલ-કાદિર ટ્રસ્ટ કેસમાં થઈ કાર્યવાહી
ઈસ્લામાબાદ કોર્ટની બહાર સુરક્ષા દળોએ ઝડપ્યાં
અગાઉ ત્રણ વાર ધરપકડનો થયો હતો પ્રયાસ
ઘણા કેસમાં આરોપી પાકિસ્તાનના પૂર્વ પીએમ ઈમરાન ખાન આખરે લાગમાં આવ્યાં છે. પાકિસ્તાની સુરક્ષા દળો દ્વારા ઈસ્લામાબાદ કોર્ટની બહાર ઈમરાન ખાનની ધરપકડ કરવામાં આવી હતી. આ પહેલા તેમણે ત્રણ વાર ધરપકડથી બચવા હવાતિયા માર્યા હતા પરંતુ આ વખતે તેઓ ઝપટમાં આવી ગયા.
કયા કેસમાં ઈમરાનની ધરપકડ
પાકિસ્તાની મીડિયા અનુસાર, અલ-કાદિર ટ્રસ્ટ કેસમાં ઇસ્લામાબાદ હાઇકોર્ટની બહાર ઈમરાનની ધરપકડ થઈ છે. અહીં ઇમરાન ખાન તેમની સામે નોંધાયેલા ઘણા કેસોમાં જામીન મેળવવા માટે આવ્યા હતા.
સેનાના કેસમાં સેનાએ કરી ધરપકડ
ઈમરાન ખાને તાજેતરમાં જ પાકિસ્તાન આર્મી અંગે તીખા નિવેદનો આપ્યા હતા. એવું માનવામાં આવે છે કે આ કારણોસર પોલીસે નહીં પરંતુ સેનાએ તેમની ધરપકડ કરી છે. અત્યાર સુધી ઇમરાન ખાનની ધરપકડ કરવાના ઘણા પ્રયાસો થઇ રહ્યા હતા, પરંતુ પીટીઆઇના કાર્યકરો માનવ સાંકળ રચીને તેમને રોકતા હતા. પરંતુ આ વખતે મોટી સંખ્યામાં સૈનિકો કોર્ટની બહાર આવી પહોંચ્યા હતા અને સમગ્ર વિસ્તારને કેન્ટોનમેન્ટમાં ફેરવી દેવામાં આવ્યો હતો. પાકિસ્તાની મીડિયા અનુસાર, ઈમરાન ખાન જામીન માટે ઈસ્લામાબાદ હાઈકોર્ટમાં પહોંચ્યા હતા, પરંતુ અંદર જાય તે પહેલા જ તેમની ધરપકડ કરી લેવામાં આવી હતી.
Former Pakistan PM & PTI chief Imran Khan has been arrested from outside the Islamabad High Court (IHC) by Rangers, reports Pakistan's Dawn News pic.twitter.com/FHFTw3wUbr
ઈમરાનની ધરપકડ એવા સમયે થઈ છે જ્યારે તેણે હાલમાં જ પાકિસ્તાનની ગુપ્તચર એજન્સી આઈએસઆઈના અધિકારી મેજર જનરલ ફૈઝલ નસીર પર ગંભીર આરોપ લગાવ્યા હતા. ઇમરાને આરોપ લગાવ્યો હતો કે મેજર જનરલ ફૈઝલ નસીર તેને મારવાનો પ્રયાસ કરી રહ્યો છે. આ નિવેદન માટે પાકિસ્તાની સેનાએ ઇમરાનને ઠપકો પણ આપ્યો હતો.
ઈમરાન ખાનને ટોર્ચર કરાઈ રહ્યાં છે- પીટીઆઈ નેતાનો દાવો
ઈમરાન ખાનની ધરપકડ બાદ તેમની પાર્ટીના એક નેતાએ વીડિયો ટ્વિટ કર્યો હતો જેમાં ઈમરાનના વકીલ તેમના જખમ દેખાડી રહ્યાં છે.
ઈમરાન ખાન સામે 114 કેસ
ઈમરાન ખાન સામે પાકિસ્તાનમાં કુલ 114 કેસ નોંધાયેલા છે. આ તો હજુ પહેલા કેસમાં કાર્યવાહી થઈ છે. આ પહેલા પોલીસે બે વાર તેમની ધરપકડ માટે લાહોર સ્થિત તેમના ઘેર ગઈ હતી ત્યારે તેમના સમર્થકોએ ભારે હોબાળો મચાવીને પોલીસના કામમાં અડચણ નાખી હતી.