- પૂર્વ મેયરે આચરી 2 કરોડની છેતરપિંડી
- છેતરપિંડીનો ભોગ બનનારે કર્યો આપઘાતનો પ્રયાસ
- સમગ્ર મામલે 11 લોકો સામે કર્યા ગંભીર આક્ષેપો
રાજકોટમાં એક વ્યક્તિએ આપઘાત કરવાનો પ્રયાસ કર્યો હોવાનું સામે આવ્યું છે. સાંભળીને આપને નવાઈ લાગશે કે જે વ્યક્તિએ આપઘાત કરવાનો પ્રયાસ કર્યો છે. તે વ્યક્તિ જિલ્લા પંચાયતના પ્રમુખ ભુપત બોદરના બનેવી છે. જેથી હવે તેમનો આ આપઘાતનો પ્રયાસ ચર્ચાનું કેન્દ્ર બની ગયો છે.
ભોગ બનનાર હોસ્પિટલમાં સારવાર હેઠળ
આપઘાતનો પ્રયાસ કરનરા વ્યક્તિ જયંતિબાઈ ઠુમ્મર દ્વારા સમગ્ર મામલે ગંભીર આક્ષેપો કરવામાં આવ્યા છે. જેમા તેમણે પુર્વ મેયર અશ્વિન મોલિયા પર ગંભીર આક્ષેપો લગાવ્યા છે. હાલ તો તેઓ સહિ સલામત છે. સાથેજ તેઓ હોસ્પિટલમાં સારવાર હેઠળ છે. જોકે આ સમગ્ર મામલે તેમના પુત્રએ પણ પુર્વ મેયર પર ગંભીર આક્ષેપો લગાવ્યા છે.
2 કરોડ રૂપિયાની આચરી છેતરપિંડી
સમગ્ર મામલે જયંતી ઠુમ્મરના પુત્ર નિરવ ઠુમ્મરે આક્ષેપ લગાવતા કહ્યું છે કે તેમના પિતા પાસેથી અમુક લોકોએ ઉછીના રૂપિયા લીધા હતા. જે રૂપિયા તેમને પરત આપવામાં નથી આવી રહ્યા જેથી તેમણે આ પગલું ભર્યું છે. જેમા તેમણે એ વાતનો પણ ઉલ્લેખ કર્યો છે કે તેમના પિતા સાથે અમુક શખ્સોએ કુલ 2 કરોડ રૂપિયાની છેતરપિંડી આચરી છે.
કુલ 11 લોકો સામે થયા ગંભીર આક્ષેપો
ઉલ્લેખનીય છે કે જયંતિ ભાઈ ઠુમ્મર સાથે છેતરપિંડી થઈ છે જેમા તેમની સાથેપૂર્વ મેયર અશ્વિન મોલિયા સહિત 11 લોકોએ છેતરપિંડી આચરી છે. કુલ 2 કરોડ રૂપિયાની તેમની સાથે છેતરપિંડી આચરવામાં આવી છે. જેના રૂપિયા તેઓ પરત નથી કરી રહ્યા જેના કારણે તેમણે આપઘાતનો પ્રયાસ કર્યો હતો.
