- ઘઉં અને લોટના ભાવ ઘટાડવા કેન્દ્રનો નિર્ણય
- 30 લાખ ટન ઘઉં ઓપન માર્કેટમાં મૂકાયા
- અમિત શાહે ફૂડ મિનિસ્ટ્રીના અધિકારીઓને આપ્યાં આદેશ
- રજા હોવા છતાંય અધિકારીઓ આદેશ લાગુ કરવા કરવા લાગ્યા કામ
ગણતંત્ર દિવસના અવસર પર દેશભરની તમામ સરકારી અને ખાનગી ઓફિસો બંધ રહી હતી. આખો દેશ જ્યારે પ્રજાસત્તાક દિવસની ઉજવણીમાં વ્યસ્ત હતો બરાબર ત્યારે કેન્દ્ર સરકારના ફૂડ મિનિસ્ટ્રીની ઓફિસ ચાલુ રહી હતી. ગૃહમંત્રી અમિત શાહના ઈશારે ફૂડ મિનિસ્ટ્રીના અધિકારીઓ રાતોરાત એક નિર્ણયને લાગુ કરવા કામે લાગ્યા હતા.
અમિત શાહના ઈશારે શું કામ કરવા લાગ્યા અધિકારીઓ
વાત જાણે એમ છે કે છેલ્લા કેટલાક દિવસથી ઘઉંના ભાવ વધી રહ્યાં છે અને તેને કારણે લોટની કિંમતોમાં પણ મોટો ઉછાળો આવી રહ્યો છે. આને કારણે સામાન્ય લોકોને ખૂબ અસર પડી રહી છે અને તેથી જો બજારમાં મોટાપાયે ઘઉં આવે તો લોટના ભાવ ઘટી શકે છે અને તે માટે અમિત શાહે ફૂડ મિનિસ્ટ્રીને 30 લાખ ટન ઘઉં ઓપન માર્કેટમાં રિલિઝ કરી દેવાનો આદેશ આપ્યો હતો. અમિત શાહનો આદેશ મળતાં મંત્રાલયના અધિકારીઓ કામે લાગ્યા હતા અને તેમના આ નિર્ણયનો ઓનલાઈન અમલ કરવા લાગ્યા હતા તે માટે તેમણે પ્રજાસત્તાક દિવસની રજા પણ લીધી નહોતી. આ અધિકારીઓ ઓપન માર્કેટ સેલ સ્કીમ (ડોમેસ્ટિક) હેઠળ 30 લાખ ટન ઘઉંના વેચાણને મંજૂરી આપવાના નિર્ણયનો અમલ કરવા માટે ઓનલાઇન આદેશો જારી કરવામાં વ્યસ્ત હતા.
ઘઉં અને લોટના ઊંચા ભાવે ઘટાડા માટે લેવાયો નિર્ણય
આ કામ મુખ્યત્વે ઘઉં અને લોટના ઊંચા ભાવ ઘટાડવા માટે કરવામાં આવી રહ્યું હતું. તેના એક દિવસ પહેલા બુધવારે ગૃહમંત્રી અમિત શાહની અધ્યક્ષતામાં મંત્રીઓના એક સમૂહે 26 જાન્યુઆરીએ આ કામ કરવાનો નિર્ણય કર્યો હતો. આ કારણોસર, ફૂડ મિનિસ્ટ્રીના અધિકારીઓને આ નિર્ણયને અસરકારક બનાવવા માટે જરૂરી આદેશો જારી કરવાની જરૂર હતી. જણાવવામાં આવી રહ્યું છે કે અધિકારીઓએ મોડી સાંજ સુધી સરકારની ઇ-ઓફિસ સિસ્ટમ દ્વારા આદેશો જારી કર્યા હતા.
ઘઉંના ભાવ ઘટાડવા માટે સરકાર સતત કામ કરી રહી છે
દેશમાં ઘઉંના ભાવ ઘણા સમયથી વધ્યા છે, જેને ઘટાડવા માટે સરકાર સતત કામ કરી રહી છે. ઘઉંના વધેલા ભાવ પણ લોટને અસર કરી રહ્યા છે. આ માટે કેન્દ્ર સરકારે ખુલ્લા બજારમાં 30 લાખ ટન ઘઉં રિલિઝ નિર્ણય કર્યો છે. નિષ્ણાતો કહે છે કે બજારમાં ઘઉં ઓછા છે અને વપરાશ વધારે છે. આ કારણે લોટના ભાવમાં વધારો થયો છે.
