જૂનાગઢ: મગફળી ભરેલા ટ્રકમાં આગ લાગી હતી. કુતિયાણા માર્કેટિંગ યાર્ડની મગફળીનો જથ્થો ભરેલા ટ્રકમાં આગ લાગી હતી. આગમાં ટ્રક અને મગફળી બળીને ખાખ થઇ ગયા હતાં. મગફળીનો જથ્થો માણાવદર ગોડાઉનમાં લઇ જવાતો હતો.
મગફળી ભરેલા ટ્રકમાં આગ લાગવાથી અનેક સવાલો જાગ્યા છે. ગોડાઉનમાં પહોચાડતા પહેલા જ ટ્રકમાં આગ લાગવાના બનાવોમાં વધારો જોવા મળી રહ્યો છે.
ઉલ્લેખનીય છે કે ઉમરાળા-વલ્લભીપુર રોડ પર મગફળીનો જથ્થો ભરેલી ટ્રકમાં આગ લાગી હતી. રસ્તા પર મગફળી રઝળી પડી હતી. રામપર ગામના પાટિયા નજીક મગફળી ભરેલી ટ્રકમાં અચાનક આગ લાગતા કેટલોક જથ્થો બળીને ખાખ થઈ ગયો હતો.