સોનિયા ગાંધીને છેલ્લા કેટલાક દિવસોથી કોરોનાની ચપેટમાં આવી ગયાં છે. ત્યારે હવે કોંગ્રેસે સોનિયાની તબિયત કેવી છે તે સંબંધિત હેલ્થ અપડેટ આપ્યું છે. કોંગ્રેસ નેતા જયરામ રમેશે પણ કહ્યું કે 12 જૂને સોનિયા ગાંધીને જ્યારે હોસ્પિટલમાં દાખલ કરવામાં આવ્યા ત્યારે તેમના નાકમાંથી લોહી નીકળ્યું હતું. હાલ સોનિયા હોસ્પિટલમાં છે. કોંગ્રેસ તરફથી મહાસચિવ જયરામ રમેશે સોનિયા ગાંધીના સ્વાસ્થ્ય અપડેટ જાહેર કર્યા છે
કોંગ્રેસના નેચા જયરામ રમેશે સોનિયાના હેલ્થ અપડેટ જાહેર કર્યું
જયરામ રમેશે કહ્યું કે સોનિયાને કોરોના થયો છે. ત્યાર બાદ 12 જૂને તેમના નાકમાંથી લોહી નીકળ્યું હતું, ત્યારબાદ તેમને દિલ્હીની ગંગારામ હોસ્પિટલમાં દાખલ કરવામાં આવ્યા હતા. જયરામના જણાવ્યા અનુસાર હોસ્પિટલમાં સોનિયા ગાંધીની તરત જ સારવાર શરૂ થઇ ગઇ હતી. ગઈ કાલે એટલે કે, ગુરુવારે તેમને શ્વાસ લેવામાં તકલીફ પડી હોવાની માહિતી મળી હતી, બાદમાં જાણવા મળ્યું હતું કે તેમના નીચલા શ્વસનમાર્ગમાં ફંગલ ઇન્ફેક્શન થયું છે. જયરામે લખ્યું કે, હાલમાં સોનિયા ગાંધીની સારવાર ચાલી રહી છે, કોવિડ બાદ તેમને કેટલીક અન્ય સમસ્યાઓ છે. હાલ ડોક્ટરો તેમના સ્વાસ્થ્ય પર નજર રાખી રહ્યા છે.
2 જૂને આવ્યા હતા કોરોના પોઝિટિવ
આપને જણાવી દઈએ કે, સોનિયા ગાંધીનો કોરોના રિપોર્ટ 2 જૂનના રોજ પોઝિટિવ આવ્યો હતો. તેમને હળવો તાવ આવ્યા હતા, જે બાદ તેમનો ટેસ્ટ કરાતા તેઓ પોઝિટિવ આવ્યા હતા, બાદમાં 12 જૂનના રોજ તેમને ઘરમાં જ આઈસોલેશન વોર્ડમાં રાખવામાં આવ્યા હતા. તેમના ઘર પર સારવાર ચાલી રહી હતી. તેઓ રિકવર પણ થઈ ગયા હતા. આ દરમિયાન થોડી મુશ્કેલીઓ વધતાં તેમને 12 જૂનના રોજ સર ગંગારામ હોસ્પિટલમાં દાખલ કરવામાં આવ્યા હતા.
ED નેશનલ હેરાલ્ડ કેસ મામલે તપાસ કરી રહી છે
તમને જણાવી દઈએ કે નેશનલ હેરાલ્ડ સાથે જોડાયેલા મની લોન્ડ્રિંગ કેસમાં એન્ફોર્સમેન્ટ ડિરેક્ટોરેટ (ઈડી)ની તપાસ આ દિવસોમાં ચાલી રહી છે. રાહુલની સાથે સોનિયાને પણ ઈડીએ પૂછપરછ માટે બોલાવ્યા હતા. પરંતુ કોવિડના કારણે તે ટેસ્ટમાં જોડાઈ શકી નથી. હાલ ઇડીએ સોનિયાને 23 જૂને હાજર થવા સમન્સ પાઠવ્યું છે.
