ખેડૂત આંદોલનનો આજે 12મો દિવસ છે અને દિવસેને દિવસે આંદોલન વધુ ઉગ્ર બની રહ્યું છે. આંદોલનમાં આવતીકાલે બંધનું એલાન પણ કરવામાં આવ્યું છે ત્યારે ખેડૂતો પોતાની માંગણીઓ પર અડગ દેખાઈ રહ્યા છે.
12 દિવસથી દિલ્હીની સરહદો પર બેઠા છે ખેડૂતો
સરકાર સાથે નિષ્ફળ રહી બેઠકો બાદ બંધનું એલાન
આવતીકાલે ખેડૂતોનું બંધ, ઘણી બધી પાર્ટીઓએ પણ કર્યું છે સમર્થન
દિલ્હીની વિવિધ બોર્ડર પર દેશના અન્નદાતા પોતાનો રોટલો ન છીનાવાઈ તે બીકે આંદોલન પર બેઠા છે. સરકાર સાથે નિષ્ફળ વાટાઘાટો બાદ આવતીકાલે ભારત બંધનું એલાન કરવામાં આવી રહ્યું છે ત્યારે હજારોની સંખ્યામાં કડકડતી ઠંડીમાં પોતાનું ઘર-પરિવાર છોડીને આવેલા ખેડૂતોની અનોખી તસવીરો સામે આવી રહી છે. આંદોલન સ્થળ પર ખેડૂતોમાં એક અલગ પ્રકારનો જોશ જોવા મળી રહ્યો છે અને ગમે તો ભોગે ત્યાં જ રહેવાનું ઉચ્ચારી રહ્યા છે. દિલ્હીની બોર્ડર કેટલાય કિમી લાંબી ટ્રક અને ટ્રેક્ટરની લાઈન જોવા મળી રહી છે, ઘણા બધા ખેડૂતોએ આ જ ટ્રક અને ટ્રેક્ટરને પોતાનું ઘર બનાવી લીધું છે. આંદોલન સ્થળ પર બધા ભેગા થઇને જમવાની વ્યવસ્થા કરી રહ્યા છે અને નાહવા માટે ખેડૂતો પેટ્રોલ-પંપ જેવા સ્થળો પર વ્યવસ્થા કરી રહ્યા છે. ખેડૂતોના આ આંદોલનમાં કોણ કોને સમર્થન આપી રહ્યું છે તે છોડી દઈએ તો પણ ભારતે જગતના તાતનું આ સ્વરૂપ પહેલીવાર જોયું છે. તમે પણ જુઓ આવી તસવીરો :