ખેડૂત સંગઠનો લડશે ચૂંટણી
પંજાબમાં 32 ખેડૂત સંગઠનોમાંથી 22 સંગઠનોએ ચૂંટણી લડવાની જાહેરાત કરી છે. 22 સંગઠનોએ પંજાબ સંયુક્ત સમાજ મોરચા નામની પાર્ટી બનાવી છે. ખેડૂતોની આ પાર્ટી પંજાબની તમામ 117 સીટો પર આગામી વિધાનસભા ચૂંટણી લડશે. બલબીર સિંહ રાજેવાલ ખેડૂતોના આ મોરચાનો ચહેરો હશે.
બહુ મોટી લડાઈ જીતીને આવ્યા
પ્રેસ કોન્ફરન્સમાં બલબીર સિંહ રાજેવાલે કહ્યું કે યુનાઈટેડ કિસાન મોરચાની રચના અલગ-અલગ વિચારધારાના લોકો સાથે થઈ છે. અમે બહુ મોટી લડાઈ જીતીને આવ્યા છીએ. તેમણે કહ્યું કે અમારી પાસેથી લોકોની અપેક્ષા વધી છે, અમારા પર લોકોનું દબાણ વધ્યું છે, જો તેઓ આ લડાઈ જીતી શકે છે જીતી તો પંજાબ માટે પણ કંઈક કરી શકશે એવું તેઓ કહી રહ્યા છે.
પંજાબ સંયુક્ત મોરચા
તેમણે કહ્યું કે લોકોનો અવાજ સાંભળીને તેઓ પંજાબ માટે એક મોરચાની જાહેરાત કરી રહ્યા છે, જેનું નામ પંજાબ સંયુક્ત સમાજ મોરચા હશે. આ દરમિયાન તેમણે કહ્યું કે અન્ય ત્રણ સંસ્થાઓ અમારી સાથે આવવા માટે વિચારણા કરી રહી છે. બલબીર રાજેવાલે કહ્યું કે અમે 117 સીટો માટે તૈયાર છીએ. તેમણે કહ્યું હતું કે અમારી અન્ય સંસ્થાઓ જે પણ છે, તેમને અમારી સાથે આવવા અપીલ છે. તેમણે કહ્યું હતું કે નવા પંજાબના નિર્માણ માટે આ કરવું પડશે.
ચૂંટણી અગાઉ આખું ચિત્ર બદલાઈ ગયું
પંજાબમાં ખેડૂતોની ચૂંટણી લડવાની જાહેરાત બાદ હવે લડાઈ વધુ રસપ્રદ બની ગઈ છે. પંજાબમાં કોંગ્રેસ, આમ આદમી પાર્ટી, અકાલી દળ અને અમરિંદર સિંહની પાર્ટી સાથે ભાજપ પહેલેથી જ ચૂંટણી મેદાનમાં છે. શરૂઆતના સર્વેમાં AAPને પંજાબમાં સૌથી વધુ સીટો મળતી જોવા મળી રહી છે. જો કે હવે ખેડૂતોની આ જાહેરાત બાદ પંજાબની ચૂંટણીનું ચિત્ર બદલાઈ જાય તેવી પ્રબળ સંભાવનાઓ છે.
