એક્ટર રણબીર કપૂરનો એક વીડિયો સોશ્યલ મીડિયા પર ખૂબ વાઈરલ થઈ રહ્યો છે. જેમાં તે એક ફેન સાથે મુલાકાત કરતો જોવા મળી રહ્યો છે.
રણબીર માટે આ ફેન એટલો પાગલ છે કે તે રણબીરના પગે પડી ગયો અને રણબીરને ગિફ્ટ પણ આપી. આ વીડિયો સામે આવ્યા બાદ લોકો રણબીરને અવિવેકી ગણાવી તેના પર ગુસ્સો વ્યક્ત કરી રહ્યા છે.
વીડિયોમાં જોઇ શકાય છે કે એક ફેન રણબીરને ગિફ્ટ આપી અને તેણે રિકવેસ્ટ કરી કે ગિફ્ટને તેની સામે ઑપન કરે. આ સમયે રણબીર સોફા પર બેસે છે પરંતુ તેનો ફેન જમીન પર બેસી જાય છે. આ જ બાબત લોકોને પસંદ નથી આવી રહી. લોકો એ વાતને કહી રહ્યા છે કે, રણબીરે એક પણ વખત તેના ફેનને સોફા પર બેસવા માટે ના કહ્યુ.
આ વીડિયો પછી સોશ્યલ મીડિયા પર ફેન્સ રણબીર પર ગુસ્સે થયા. એક યૂઝરે લખ્યુ કે, ''શું રણબીર ભગવાન છે? તે તેના ફેનને સોફા પર બેસવા માટે કેમ નથી કહી રહ્યો?'', અન્ય યૂઝર્સે લખ્યુ કે, ''રણબીર ખૂબ જ રૂડ છે, એક વખત પણ તેને ઉપર બેસવા માટે ના કહ્યુ.''