ચેતી જજો! / 'દર મહિને કરો 50000ની કમાણી', તમને આવો મેસેજ આવ્યો હોય તો થઈ જાઓ સાવધાન, ખાલી થઈ જશે બેન્ક બેલેન્સ

• દર મહિને મળશે 50 હજાર રૂપિયા 
• તમને આવ્યો છે આવો મેસેજ? 
• તો થઈ જજો સાવધાન 

લોકોને તેમના ઘરની છત પર અથવા ખાલી પ્લોટમાં મોબાઈલ ટાવર લગાવવામાં ખૂબ જ રસ હોય છે. આ એટલા માટે છે કારણ કે કોઈપણ ખર્ચ વિના આવક થવા લાગે છે. મોબાઈલ ટાવરથી મહિને સારી આવક થઈ જાય છે. તો પછી કોણ ના ઈચ્છે કે ઘરની છત પર ટાવર લાગાઈ જાય અથવા ખાલી જમીન પર ટાવર લગાઈ જાય.

પરંતુ ટાવર લગાવવાનો નિયમ ખૂબ જ ખાસ છે અને તેના માટે તમામ નિયમોનું પાલન કરવું જરૂરી છે. ટેલિકોમ વિભાગ પણ આ વિશે વારંવાર જણાવે છે. આમ છતાં નકલી મેસેજની આડમાં લોકો લૂંટાય છે. જો તમને આવો કોઈ મેસેજ આવો તો સાચવજો. 

મોબાઈલ ટાવરના નામે ચાલી રહી છે છેતરપિંડી 
મોબાઈલ ટાવરના નામે ચાલી રહેલી છેતરપિંડીને ધ્યાનમાં રાખીને ટેલિકોમ વિભાગ ચેતવણી આપતું રહે છે કે આવા કોઈ મેસેજથી ગેરમાર્ગે ન દોરાશો. આ પ્રકારની છેતરપિંડીમાં ફોન કોલ અથવા મેસેજમાં કહેવામાં આવે છે કે ઘરની છત પર મોબાઈલ ટાવર લગાવવાથી વ્યક્તિ સરળતાથી મહિને 50,000 રૂપિયા કમાઈ શકે છે. આ પ્રકારનો મેસેજ તમારી પાસે પણ આવ્યો છે અને તમે તેની લિંક પર ક્લિક કર્યું છે અથવા એપ્લાય કર્યું છે, તો તમારે એકવાર તમારું બેંક એકાઉન્ટ ચેક કરવું પડશે. આમાં તમારા પૈસા ગુમાવવાનું જોખમ રહેલું છે.

A company, in the name of @TRAI claims to provide a monthly salary, rent & advance payment for installing mobile towers in lieu of a refundable advance payment of ₹5,000-10,000#PIBFactCheck

▶️This letter is #Fake

▶️TRAI has not issued this letter

🔗https://t.co/v9omGIn3Rl pic.twitter.com/3ehXPWLjL5

— PIB Fact Check (@PIBFactCheck) August 2, 2022

જાહેર થઈ એડવાઈઝરી 
ટેલિકોમ વિભાગ આવા સંદેશાઓ અથવા ફોન કોલ્સથી બચવા માટે એડવાઈઝરી જારી કરે છે. એડવાઈઝરીમાં કડક સૂચના આપવામાં આવી છે કે જો કોઈ કંપની, એજન્સી કે કોઈ વ્યક્તિ તમારા ઘર કે ખાલી જમીન પર મોબાઈલ ટાવર લગાવવાની વાત કરે છે તો તેનાથી સાવધાન રહો. વિભાગનું કહેવું છે કે આવા લોકો અથવા એજન્સીઓ ટાવર લગાવવાના નામે છેતરપિંડી કરે છે અને તેના બદલામાં પૈસા પડાવી લે છે. વિભાગનું એમ પણ કહેવું છે કે જો કોઈ વ્યક્તિ આવી લાલચ આપે છે તો તેની વિરુદ્ધ પોલીસમાં ફરિયાદ કરો.

શું કહ્યું સરકારે? 
પ્રેસ સાથે સંબંધિત સરકારી સંસ્થા પ્રેસ ઇન્ફોર્મેશન બ્યુરોએ પણ લોકોને આ અંગે ચેતવણી આપી છે. પીઆઈબીએ કહ્યું છે કે સોશિયલ મીડિયા પર ટ્રાઈ નામની એક કંપની મોબાઈલ ટાવર લગાવવા માટે માસિક પગાર, ભાડું અને એડવાન્સ પેમેન્ટનું વચન આપી રહી છે. તેના બદલામાં, કંપની ગ્રાહકોને 5,000-10,000 રૂપિયાના રિફંડપાત્ર એડવાન્સ માટે કહી રહી છે. PIB ફેક્ટ ચેક મુજબ, સોશિયલ મીડિયા પર ચાલી રહેલ આ પત્ર નકલી છે અને ટ્રાઈએ આવો કોઈ પત્ર જારી કર્યો નથી. સરકાર આવી કોઈપણ લાલચ કે છેતરપિંડીથી બચવા માટે સૂચનાઓ આપી રહી છે.