વિવાદ / મોદીના નવા મંત્રી ડિગ્રી વિવાદમાં ફસાયા, જાણો કોણ

૯૦ના દાયકામાં કોલંબોની ઓપન ઇન્ટરનેશનલ યુનિવર્સિટીએ રમેશ પોખરિયાલ નિશંકને શિક્ષણમાં યોગદાન માટે એક ડી લીટ (ડોકટર ઓફ લિટરેચર)ની ડિગ્રી આપી. તેનાં થોડાં વર્ષ બાદ તેમને વધુ એક ડી લીટ ડિગ્રી એ જ યુનિવર્સિટીમાંથી મળી. આ વખતે વિજ્ઞાનમાં યોગદાન માટે તેમને બીજી ડિગ્રી અપાઇ.

ચોંકાવનારી વાત એ રહી છે કે આ યુનિવર્સિટી શ્રીલંકામાં  વિદેશી કે ઘરેલુ યુનિવર્સિટી તરીકે રજિસ્ટર્ડ નથી. શ્રીલંકાના યુનિવર્સિટી ગ્રાન્ટ કમિશને પણ આ વાતને સમર્થન આપ્યું છે. ગયા વર્ષે દહેરાદૂનમાં ફાઇલ થયેલી એક આરટીઆઇ પર તેમના બાયોડેટા અંગે અધૂરી જાણકારી સામે આવી એટલું જ નહીં, તેમના બાયોડેેટા અને પાસપોર્ટમાં પણ અલગ અલગ જન્મ તારીખ છે.