આ પ્રેમ છે / FB પર થયો લવ: ભારત આવી ગઈ મોરોક્કોની મુસ્લિમ યુવતી, યુવકે કહ્યું હું ધર્મ નહીં બદલું

• મોરક્કોની મુસ્લિમ યુવતીએ હિંદુ યુવક સાથે કર્યા લગ્ન
• 24 વર્ષીય ફાદવાએ પ્રેમ માટે છોડ્યો દેશ
• ફાદવાને ધર્મ પરિવર્તન ન કરાવવા યુવકે આપ્યુ વચન

કહેવાય છેને પ્રેમની કોઇ પરિભાષા નથી હોતી. પ્રેમ તો બસ થઇ જાય છે. પ્રેમ ધર્મ, દેશ કે જાતિને જોઇને નથી થતો. અને આવુ જ જોવા મળ્યુ આફ્રિકાના મોરક્કોમાં. અહીંની મુસ્લિમ યુવતી ગ્વાલિયરના યુવકને દિલ આપી બેઠી.  આ યુવક મુસ્લિમ નહી પરંતુ હિંદુ છે.  બંનેના પ્રેમ સંબંધની જાણ થતા પરિવારમાં અણબનાવ થયા પરંતુ યુવકે યુવતીના ધર્મને ન બદલવાનુ તેના પિતાને વચન આપ્યુ. તો આ તરફ યુવતીએ પોતાના પ્રેમ માટે પોતાનો દેશ છોડી દીધો. બંનેએ હાલમાં કોર્ટ મેરેજ પણ કરી લીધા છે.

પ્રેમમાં દેશ છોડ્યો, પણ ધર્મની આઝાદી મળી

 મોરક્કોમાં રહેનારી 24 વર્ષીય ફાદવા લૈમાલી એક પ્રાઇવેટ કોલેજમાં ભણતી હતી.  સોશિયલ મીડિયા પર તે વર્ષ પહેલા 26 વર્ષીય અવિનાશ દોહરેને મળી. સોશિયલ મીડિયાની આ દોસ્તી ધીરે ધીરે પ્રેમમાં પરિણમવા લાગી. જો કે જ્યારે વાત લગ્ન પર પહોંચી તો બંને લોકો પોતાના ધર્મને લઇને ચિંતામાં મુકાઇ ગયા. જો કે હિંમત કરીને બંનેએ પોતાના પરિવારને જાણ કરી. ફાદવાની ફેમિલી આ સંબંધથી નારાજ હતી. પરંતુ અવિનાશે વચન આપ્યુ કે ફાદવા જે રીતે મોરક્કોમાં પોતાના ધર્મ અનુસાર રહે છે તેજ રીતે હું તેને રાખીશ. તેનો ધર્મ બદલવા ક્યારેય નહી કહુ . આ વાતનો વિશ્વાસ અપાવ્યા બાદ ફાદવાની ફેમિલી માની ગઇ. જે બાદ ફાદવાએ અવિનાશ સાથે લગ્ન કરવા માટે પોતાના દેશ મોરક્કો પાસેથી NOC પણ માગ્યું.

મોરક્કોમાં અનુમતિ બાદ કર્યા લગ્ન

એક અઠવાડિયા પહેલા ફાદવાએ મોરોક્કોમાં તેમના લગ્ન માટે NOC માટે અરજી કરી હતી. કાનૂની દસ્તાવેજોની પ્રક્રિયા પૂર્ણ કર્યા પછી, મોરોક્કોથી પરવાનગી મેળવવામાં આવી હતી. આ પછી ગ્વાલિયરની SDM કોર્ટમાં મેરેજ સર્ટિફિકેટ માટે અરજી કરી. બુધવારે પ્રેમી યુગલ એડીએમ કોર્ટ પહોંચ્યા જ્યાં બંનેએ એડીએમ એચબી શર્માની હાજરીમાં લગ્ન કરી લીધા. થોડા દિવસો બાદ બંને હિંદુ રિતી રિવાજ મુજબ લગ્ન પણ કરશે.  અને કોવિડ બાદ તેઓ રિસેપ્શન પણ યોજશે. મહત્વનુ છે કે, મોરોક્કો ઉત્તર આફ્રિકામાં એક રાજાશાહી દેશ છે. મોરોક્કો એક મુસ્લિમ દેશ છે, જેની ભાષા અરબી છે. રબાત શહેર મોરોક્કોની રાજધાની છે. મોરોક્કોમાં 99 ટકા વસ્તી મુસ્લિમ છે.