બેન્કિંગ / મહિલાઓ માટે આ બેંકે શરૂ કર્યું ખાસ એકાઉન્ટ, વધુ વ્યાજદર સહિત મળશે આવીજબરદસ્ત સુવિધાઓ

• મહિલાઓ માટે સારાં સમાચાર
• આ બેંક આપી રહી છે જબરદસ્ત સુવિધાઓ
• મળશે એફડી કરતાં પણ વધુ વ્યાજ

બેંકના એક નિવેદનમાં કહેવામાં આવ્યું છે કે, આ ખાતું એ તમામ મહિલાઓ માટે ઉપલબ્ધ છે, જે નોકરિયાત / હોમમેકર્સ / બિઝનેસ વુમન/ વરિષ્ઠ નાગરિક / ટ્રાંસવુમન અને બિનનિવાસી મહિલામાં સામેલ છે. આ સિવાય આ બેંક એકાઉન્ટ લોકર પર 25થી 50 ટકા ડિસ્કાઉન્ટ સાથે જ મહિલાઓને ગોલ્ડ લોન રેટ અને પીએફમાં છૂટ પણ આપે છે. આ એકાઉન્ટ માટે કોઈપણ મેન્ટેનન્સ ચાર્જ પણ નથી લેવામાં આવતો. 

ઈક્વિટસ સ્મોલ ફાઇનાન્સ બેંકે એક પ્રેસ રિલીઝમાં કહ્યું કે, ઈવા એ એક યુનિક બચત ખાતું છે જે આરોગ્ય, સંપત્તિ અને સમૃદ્ધિ જેવા દરેક પાસામાં ભારતીય મહિલાઓની સુવિધાનેધ્યાનમાં રાખે છે. બેંક દ્વારા જારી કરવામાં આવેલી પ્રેસ રિલીઝ અનુસાર, આમાં ખરીદી અને જમવા માટે ડેબિટ કાર્ડ પર અને રિકરિંગ ડિપોઝિટ બુક કરવા માટે એક્સક્લૂસિવ રિવોર્ડ પોઇન્ટ્સ પણ મળશે.

Equitas Small Finance Bankએ તેના પ્રોડક્ટના પ્રમોશન માટે ભારતીય મહિલા ક્રિકેટર સ્મૃતિ મંધાનાને બ્રાન્ડ એમ્બેસેડર બનાવી છે. આ અંગે મંધાના કહે છે કે 'મને ખૂબ આનંદ થાય છે કે હું સમાજના તમામ વર્ગના નાણાકીય સશક્તિકરણ માટે ઇક્વિટસ સ્મોલ ફાઇનાન્સ બેંકના આ અભિયાન સાથે જોડાયેલી છું.'

ભારતની બીજી સૌથી મોટી સ્મોલ ફાઇનાન્સ બેંક

બેંકે જણાવ્યું કે, ઈક્વિટસ સ્મોલ ફાઇનાન્સ બેંક લિમિટેડ એ બેંકિંગ આઉટલેટ્સની સંખ્યાના સંદર્ભમાં ભારતની બીજી સૌથી મોટી સ્મોલ ફાઇનાન્સ બેંક છે અને નાણાકીય વર્ષ 2019માં એસેટ અંડર મેનેજમેન્ટ અને કુલ જમા રકમના સંદર્ભમાં ભારતની બીજી સૌથી મોટી સ્મોલ ફાઇનાન્સ બેંક છે. 30 સપ્ટેમ્બર, 2019એ તેની ડિસ્ટ્રિબ્યુશન ચેનલોમાં ભારતના 15 રાજ્યો અને કેન્દ્ર શાસિત પ્રદેશોમાં 853 બેંકિંગ આઉટલેટ્સ અને 322 એટીએમ સામેલ છે.