PF સબ્સ્ક્રાઇબર્સને જોરદાર ઝટકો: EPFO એ EPF ડિપોઝિટ્સ પર વર્ષ 2021-22 માટે વ્યાજદર 8.5 ટકાથી ઘટાડીને 8.1 ટકા કર્યો
મોદી સરકારના કાર્યકાળમાં સતત મળી રહ્યા છે ઝટકા
EPFOએ ઇન્ટરેસ્ટ રેટ ઘટાડીને 8.1 ટકા કર્યો છે
7 કરોડ સબસ્ક્રાઇબર્સ માટે માઠા સમાચાર
EPFOએ ઇન્ટરેસ્ટ રેટ ઘટાડ્યો
હોળીથી પ્રોવિડન્ટ ફંડ સબસ્ક્રાઇબર્સને મોટો ઝટકો મળ્યો છે. EPFOએ ચાલુ વર્ષ માટે ઇન્ટરેસ્ટ રેટ ઘટાડીને 8.1 ટકા કર્યો છે. વર્ષ 2020-21 માટે પ્રોવિડન્ટ ફંડ પર મળનાર ઇન્ટરેસ્ટ રેટ 8.5 ટકા હતો. EPFO બોર્ડનાં નિર્ણય પર મંત્રાલયની મોહર લગાવવામાં આવશે જ્યાર બાદ આ અમલમાં લાવવામાં આવશે. ઈન્ટરેસ્ટ રેટને લઈને ગુવાહાટીમાં EPFO સેન્ટ્રલ બોર્ડ ઓફ ટ્રસ્ટીઝની બે દિવસ બેઠક કરાઈ હતી. આ બેઠકમાં જ આ નિર્ણય લેવામાં આવ્યો છે. હાલમાં બજારની સ્થિતિ તથા રશિયા યુક્રેન ક્રાઈસિસને ધ્યાનમાં રાખતા એ માનવામાં આવી રહ્યું હતું કે ઇન્ટરેસ્ટ રેટમાં કાપ મૂકી શકાય છે.
7 કરોડ સબસ્ક્રાઇબર્સ માટે માઠા સમાચાર
ગયા બે વર્ષોથી ઇન્ટરેસ્ટ રેટમાં કોઈ બદલાવ આવ્યો નથી. પહેલી વાર વર્ષ 2019-20માં ઇન્ટરેસ્ટ રેટ ઘટાડવામાં આવ્યો હતો. વર્તમાનમાં EPFO સાથે લગભગ 7 કરોડ સબસ્ક્રાઇબર્સ જોડાયેલા છે.
EPFO fixes 8.1 pc as rate of interest on EPF deposits for 2021-22: Sources
મોદી સરકારના કાર્યકાળમાં સતત મળી રહ્યા છે ઝટકા
મોદી સરકાર સત્તામાં આવી ત્યારે આ વ્યાજદર 8.75 ટકા હતો અને તે બાદ ધીમે ધીમે આ વ્યાજદર સતત ઘટાડવામાં આવી રહ્યો છે. વર્ષ 2016-17માં વ્યાજદર 8.65 ટકા હતો જ્યારે 2019-20 સુધી ઘટીને આ વ્યાજદર 8.5 ટકા પર રહ્યો હતો. હવે તેમાં પણ કાપ મૂકવામાં આવ્યો છે.