IND vs ENG / ગ્રાઉન્ડ પર કોહલી સાથે ઝઘડો થયા પછી ઇંગ્લિશ ક્રિકેટરે ફટકારી સદી, વિરાટ વિશે શું કહ્યું જુઓ

• જોની બેયરસ્ટો અને કોહલી વચ્ચે થોડી બોલાચાલી થઈ હતી
• વિરાટ એ સમયે જોની બેયરસ્ટોનું ધ્યાન ભટકાવવા માંગતા હતા.
• આવી પરિસ્થિતિમાં જે વસ્તુ થાય એ મેચનો જ હિસ્સો ગણાય છે -જોની બેયરસ્ટો

ભારત અને ઈંગ્લેન્ડ વચ્ચે એજબેસ્ટનમાં રમાઈ રહ્યા ટેસ્ટમાં ઘણો રોમાંચ જોવા મળી રહ્યો છે. શરૂઆતી બે દિવસમાં ભારતીય ટીમ આ મેચમાં આગળ હતી અને ત્રીજી મેચની શરૂઆત જ એક બોલાચાલી સાથે થઈ હતી. ઈંગ્લેન્ડના જોની બેયરસ્ટો અને ટીમ ઈન્ડિયાના ભૂતપૂર્વ કેપ્ટન કોહલી વચ્ચે થોડી બોલાચાલી થઈ હતી. એ પછી અમ્પાયર્સે વચ્ચે આવીને મામલો શાંત કરવો પડ્યો હતો. 
ગઇકાલની મેચમાં જ્યારે રમતની શરૂઆત થઈ ત્યારે ઈંગ્લેન્ડ તરફથી જોની બેયરસ્ટો અને બેન સ્ટોક્સે બેટિંગ કરવાની શરૂઆત કરી હતી. રમત શરૂ થઈ એ પછી મોહમ્મદ શમી બોલિંગ કરી રહ્યા હતા અને એ સમયે વિરાટ અને જોની બેયરસ્ટોની વચ્ચે કઇંક વાતચીત થઈ. જોની બેયરસ્ટોથી એક બોલ બીટ થઈ હતી અને એ પછી વિરાટ કોહલી તેના પર કશું બોલ્યા. એ વાતનો જવાબ આપતા જોની બેયરસ્ટો પણ કઇંક બોલ્યા અને એટલામાં જ કોહલી ગુસ્સામાં એની તરફ આગળ વધ્યા હતા. 

એજબેસ્ટનમાં રમાઈ રહેલ એ મેચ પૂરી થયા પછી જોની બેયરસ્ટો એ વાતનો ખુલાસો કર્યો હતો કે એ બંને વચ્ચેની એ બોલાચાલી મેચનો જ એક ભાગ હતો. એમને કહ્યું હતું કે, 'અમે 10 વર્ષથી એકબીજા સાથે ક્રિકેટ રમી રહ્યા છીએ અને અમે બંને એકબીજાના પ્રતિસ્પર્ધી છીએ. જે કઈ પણ ત્યારે થયું એ ખેલનો હિસ્સો હતો. અમારા બંને એ અમારું બેસ્ટ પર્ફોમન્સ આપવું પડતું હોય છે અને એની માટે અમે અમારા દરેક પ્રયત્નો આજમાવીએ છીએ. દરેક ખેલાડી તેની તેમણે આગળ લાવવા મથતો હોય છે અને આવી પરિસ્થિતિમાં જે વસ્તુ થાય એ મેચનો જ હિસ્સો ગણાય છે."

ગઇકાલના એ મેચમાં વિરાટ અને જોની બેયરસ્ટોની વચ્ચે કઇંક વાતચીત થઈ. વિરાટ એ સમયે જોની બેયરસ્ટોનું ધ્યાન ભટકાવવા માંગતા હતા. જોની બેયરસ્ટો એ જ્યારે એમની વાત પર રીએકટ કર્યું ત્યારે વિરાટએ ટેને ચૂપ રહેવાનો ઈશારો કર્યો હતો. તમને જણાવી દઈએ કે ગઇકાલના એ મેચમાં જોની બેયરસ્ટો એ 140 બોલમાં 106 રન બનાવીને વિરાટ કોહલીને જવાબ આપ્યો હતો. જોની બેયરસ્ટોની એ સદીએ ભારતને થોડી પાછળ ધકેલી દીધી છે. હાલ ભારત પાસે 257 રન વધુ છે.

એ પહેલાના મેચમાં ભારતીય ટીમ ઇંગ્લેન્ડ સામેની 5મી ટેસ્ટ (IND vs ENG) માં 416 રન બનાવી આઉટ થઇ હતી. ઋષભ પંત અને રવિન્દ્ર જાડેજાએ સદી ફટકારી હતી. બાદમાં કેપ્ટન જસપ્રિત બુમરાહે 16 બોલમાં અણનમ 31 રન બનાવી સ્કોરને 400 રનના આંકડાને પાર પહોંચાડ્યો હતો. તેણે ફાસ્ટ બોલર સ્ટુઅર્ટ બ્રોડની એક ઓવરમાં 35 રન એકઠા કર્યા હતા. આ મેચમાં પંત અને જાડેજા બંને એ શતક લગાવીને ઈતિહાસ રચી દીધો છે. જાડેજા 104 રન બનાવીને જેમ્સ એનડર્સનની બોલમાં આઉટ થયા હતા. પંતે 89 બોલમાં 15 ચોગ્ગા અને 1 છગ્ગાની મદદથી પોતાની સદી પૂરી કરી હતી.  ભારત હાલ આ સિરિજના 2-1થી આગળ ચાલી રહ્યું છે. જો આ મેચ ટીમ ઈન્ડિયા જીતશે કે ડ્રો થશે તો પણ આઆ સિરિજ ટીમ ઈન્ડિયાના નામે થશે.