મેડિકલ ઇમરજન્સીના કારણે અમદાવાદ એરપોર્ટ પર ફ્લાઇટનું લેન્ડિંગ
30 હજાર ફૂટ ઊંચે ઉડતી ફ્લાઇટને એક યુવકે ચીસા ચીસ કરીને ગજવી દીધી હતી. જેના કારણે એર અરેબિયાની બાંગ્લાદેશથી અબુધાબી જતી ફ્લાઇટને તાત્કાલિક અમદાવાદના એરપોર્ટ પર ઉતારવાની ફરજ પડી. વાસ્તવમાં ફ્લાઇટમાં સવાર એક યુવકને અચાનક પેટમાં દુખાવો ઉપડતા અમદાવાદ એરપોર્ટ પર ફ્લાઇટનું ઇમરજન્સી લેન્ડિંગ કરવું પડ્યું.
પેઈન હોવાથી સિવિલ હોસ્પિટલમાં ખસેડાયો
એર અરેબિયાની બાંગ્લાદેશથી અબુધાબી જતી ફ્લાઈટે બુધવારે રાત્રે 12.05 કલાકે અમદાવાદ એરપોર્ટ પર ઇમરજન્સી લેન્ડિંગ કર્યું હતું. જે બાદ યુવકને સિવિયર પેઈન હોવાથી સિવિલ હોસ્પિટલમાં ખસેડાયો હતો. ફ્લાઈટ અમદાવાદથી રાતે 1 વાગ્યે રવાના થઈ હતી.
જામનગરમાં ફ્લાઈટનું કરાયું હતું ઇમરજન્સી લેન્ડિંગ
તાજેતરમાં જ જામનગર એરપોર્ટ પર મોસ્કોથી ગોવા જતી ફ્લાઈટનું તાત્કાલિક લેન્ડિંગ કરવામાં આવ્યું હતું. ફ્લાઈટમાં બૉમ્બ હોવાનો માહિતી મળતા પ્લેનને જામનગર એરપોર્ટ ખાતે તાત્કાલિક લેન્ડિંગ કરવામાં આવ્યું હતું. પોલીસ કાફલો, બૉમ્બ સ્કવોર્ડ અને જામનગર 108 એમ્બ્યુલન્સની ટીમ તાબડતોબ એરપોર્ટ પર દોડી ગયા છે.
ઉચ્ચ અધિકારીઓ પહોંચ્યા હતા એરપોર્ટ પર
ફ્લાઈટમાં વિદેશી પેસેન્જરો સવાર હોવાની માહિતી મળી રહી છે. બીજી તરફ આ ઘટનાને પગલે જિલ્લાના ઉચ્ચ પોલીસ અધિકારીઓ, પોલીસ, 108 અને બૉમ્બ સ્કવોર્ડની ટીમ એરપોર્ટ ખાતે પહોંચી છે. આ ઘટનાને પગલે જામનગર એરપોર્ટ પર ભારે અફરાતફરીનો માહોલ જોવા મળી રહ્યો હતો.