- જૂનાગઢ ગીરનાર પર્વત ઉપર અચાનક વાતાવરણમાં પલટો
- વાતાવરણ માં પલટો આવતા ધીમીધારે વરસાદ શરૂ
- નવરાત્રિના આગમન પૂર્વે ગિરનારને પવિત્ર કરવા મેઘરાજાનું આગમન
જૂનાગઢનાં ગીરનાર પર્વત ઉપર અચાનક વાતાવરણમાં પલ્ટો આવ્યો હતો. વાતાવરણમાં પલ્ટો આવતા ધીમીધારે વરસાદ શરૂ થયો હતો. નવરાત્રિ બે દિવસ પહેલા ગિરનારને પવિત્ર કરવા મેઘરાજાનું આગમન થયું હતું.
બગસરા અને ફૂંકાવાવમાં ધોધમાર વરસાદ
અમરેલી જીલ્લાનાં વાતાવરણમાં એકાએક પલ્ટો આવતો કંઈક અંશે લોકોએ બફારાથી રાહત મેળવી હતી. અમરેલીનાં બગરસા અને ફૂંકાવાવમાં ધોધમાર વરસાદ પડ્યો હતો. અત્યંત ઉકળાટ બાદ વરસાદ વરસતા લોકોએ ઠંકનો અનુભવ કર્યો હતો. હાલ મગફળીની સિઝન ચાલુ હોઈ ખેડૂતો નુકશાન થવાની ભીંતી સેવી રહ્યા છે. બગસરા ગ્રામ્ય બાદ કુકાવાવમાં પણ વરસાદ પડ્યો હતો.
ભારે બફારા વચ્ચે વરસાદથી ઠંડકનો અહેસાસ
જેતપુરમાં બપોર બાદ વાતાવરણમાં પલ્ટો આવ્યો હતો. જેતપુરમાં ભારે પવન સાથે વરસાદ શરૂ થયો હતો. તીનબત્તી ચોક, સ્ટેન્ડ ચોક, જૂનાગઢ રોડ, એમજી રોડ પર વરસાદી માહોલ છવાયો હતો. અમરનગર સહિતનાં વિસ્તારોમાં પણ વરસાદ પડ્યો હતો. વરસાદ પડતા લોકોએ ભારે બફારા વચ્ચે વરસાદથી ઠંડકનો અહેસાસ કર્યો હતો.
નવરાત્રીને લઈ ખેલૈયાઓમાં અનેરો ઉત્સાહ જોવા મળી રહ્યો છે. ભારત મૌસમ વિજ્ઞાન વિભાગ હવામાન કેન્દ્ર અમદાવાદ દ્વારા પૂર્વાનુમાન કરવામાં આવ્યું છે. પ્રથમ નોરતામાં અને દશેરાનાં દિવસે વરસાદની આગાહી કરવામાં આવી છે. મહારાષ્ટ્ર, દ. ગુજરાત અને સૌરાષ્ટ્રમાં હળવો વરસાદ વરસવાની આગાહી કરવામાં આવી છે.
નવરાત્રી દરમ્યાન કઈ બાજુ વરસાદની આગાહી
હવામાન વિભાગ દ્વારા નવરાત્રીનાં પ્રથમ દિવસે જ સુરેન્દ્ર નગર, મહેસાણા, અમદાવાદ, બોટાદ, ભાવનગર, ખેડા તેમજ આણંદમાં છૂટાછવાયા વરસાદની આગાહી કરી છે. તો નવરાત્રીનાં બીજા દિવસે બનાસકાંઠા, સુરેન્દ્રનગર, સાબરકાંઠા, ગાંધીનગર, અરવલ્લી, સુરેન્દ્રનગર, અમદાવાદમાં હળવા વરસાદની આગાહી હવામાન વિભાગ દ્વારા કરવામાં આવી છે.
