જરૂરી વાત / વધારે પડતુ પાણી પીવાથી પણ થઈ શકે છે કિડનીને નુકસાન, જાણો દરરોજે કેટલું પાણી પીવું જોઈએ અને તેની સાચી રીત

• વધારે પાણી બગાડી શકે છે તમારૂ સ્વાસ્થ્ય 
• યોગ્ય પ્રમાણમાં પાણી પીવું જ ફાયદાકારક 
• નહીં તો કિડનીને થઈ શકે છે નુકસાન 

દર વર્ષે 9 માર્ચે 'વર્લ્ડ કિડની ડે' ઉજવવામાં આવે છે. આ દિવસનો ઉદ્દેશ્ય કિડની સાથે સંબંધિત બિમારીઓ અને મુશ્કેલીઓ વિશે લોકોને જાગૃત કરવાનો હોય છે અને આ બીમારીના પ્રસારને રોકવાનો છે. 

કિડનીના સ્વાસ્થ્ય માટે મોટાભાગે એવું કહેવામાં આવે છે કે વધુમાં વધુ પાણી પીવું જોઈએ જેથી ઝેરી તત્વો શરીરમાંથી બહાર નિકળવામાં મદદ મળી શકે અને કિડની હેલ્ધી રહે. ઘણા લોકો વધારે પાણી પીવાને યોગ્ય માને છે. પરંતુ અમુક લોકો એવા પણ છે જે જરૂર કરતા વધારે પાણીનું સેવન કરતા જોવા મળે છે. પરંતુ શું વધારે પાણી પીવું યોગ્ય છે? 

60 ટકા શરીરનો ભાગ છે પાણીનો 
રિપોર્ટ અનુસાર હ્યુમન બોડીનો 60 ટકા ભાગ પાણીથી બનેલો છે. અલગ અલગ કાર્યોમાં તેની જરૂર પડે છે. એટલે પાણી શરીરના અંગોથી ટોક્સિન્સ એટલે કે ઝેરીલા પદાર્થો જૂર કરવામાં મદદ કરે છે. પોષણ ઉપરાંત અલગ અલગ કોષો સુધી પહોંચે છે.

સાંધાને ચિકણા બનાવે છે અને ભોજનને ડાયજેસ્ટ કરવામાં પણ મદદ કરે છે. જો તમે પણ જરૂરી માત્રામાં પાણી નથી પીતા તો ડિહાઈડ્રેશનની સમસ્યા ઉભી થઈ શકે છે. યોગ્ય પ્રમાણમાં પાણી પીવાથી કિડની હેલ્ધી રહે છે. વધારે પાણી પીવાથી ઓવરહાઈડ્રેશન અને વોટર ઈન્ટોક્સિકેશન થઈ શકે છે. 

વધારે પાણી પીવાથી શું થાય છે? 
વધારે પડતુ પાણીનું સેવન કરવાથી ઈન્ટોક્સિકેશન અને મસ્તિષ્કના કાર્યમાં અવરોધ ઉભો થઈ શકે છે. આ ત્યારે થાય છે જ્યારે બોડી સેલ્સમાં વધારે પાણી જમા થઈ જાય છે. જેના કારણે તેમાં સોજો આવી જાય છે. જ્યારે બ્રેઈનના સેલ્સ સુજી જાય છે તો મગજ પર દબાણ વધી જાય છે. 

આ પ્રકારથી તમે ભ્રમની સ્થિતિ, માથામાં દુખાવો અને ઉંઘ ન આવવી જેવા લક્ષણોનો અનુભવ કરી શકો છો. 

વધારે પાણી પીવા પર શરીરમાં દેખાય છે આ ફેરફાર 

• પેશાબનો રંગ બદલાઈ જાય છે 
• વધારે ટોયલેટ જવું પડે છે 
• તરસ ન લાગવા પર પણ પાણી પીવું 
• ઉલટી જેવું થવું 

એક દિવસમાં કેટલા ગ્લાસ પાણી પીવું જોઈએ? 
દરરોજ કેટલું પાણી પીવું જોઈએ તે એ વાત પર નિર્ભર કરે છે કે તમે દરરોજ કઈ રીતે કામ કરો છે. દરેક વ્યક્તિની પાણીની જરૂરીયાત અલગ અલગ હોય છે. તમને પાણીની કેટલી જરૂર છે તેની ધારણા આ 4 આધાર પર કરી શકાય છે. 

• ફિઝિકલ એક્ટિવિટીનું લેવલ 
• ક્લાઈમેટ 
• બોડી વેટ 
• જેન્ડર 

આ કારણોના આધાર પર વ્યક્તિઓએ દરરોજ 2થી 3 લિટર પાણી પીવું જોઈએ.