ટ્રમ્પ એડમિનિસ્ટ્રેશને શનિવારે ફેડેરલ કોર્ટને જણાવ્યું કે H-4 વિઝા હોલ્ડર્સને આપવામાં આવેલી વર્ક પરમિટને રદ કરવાનો તેમનો નિર્ણય આગામી ત્રણ મહિનામાં આવી શકે છે. ઉલ્લેખનીય છે કે H-4 વિઝા H-1B ફોરેન ગેસ્ટ વર્કર્સના પતિ/પત્ની (સ્પાઉઝ)ને આપવામાં આવે છે. ડિપાર્ટમેન્ટ ઓફ હોમલેન્ડ સિક્યોરિટીએ શનિવારે કોલંબિયામાં આવેલી યુએસ ડિસ્ટ્રિક્ટ કોર્ટને જણાવ્યું કે તેઓ H-4 વિઝા હોલ્ડર્સને આપવામાં આવેલી વર્ક પરમિટને રદ કરવાની પ્રોગ્રેસ ઝડપી અને સખ્ત રીતે કરી રહ્યા છે. નવો નિયમ આગામી 3 મહિનામાં ઓફિસ ઓફ મેનેજમેન્ટ ઓફ બજેટ વ્હાઈટ હાઉસને સબમિટ કરવામાં આવશે.
એડમિનિસ્ટ્રેશન રદ કરવા માંગે છે વર્ક પરમિટ:
- ટ્રમ્પ એડમિનિસ્ટ્રેશને જાહેરમાં અને તેના કોર્ટ ફાઈલિંગમાં પણ જણાવ્યું હતું કે તેઓ H-4 વિઝા હોલ્ડર્સને આપવામાં આવેલી વર્ક પરમિટ રદ કરવા માંગે છે. એડમિનિસ્ટ્રેશન આ વાતે અડી ગયું હતું. સરકારના આ નિર્ણયથી અમેરિકામાં રહેતી હજારો ભારતીય મહિલાઓને અસર થશે. હાલ ટ્રમ્પ એડમિનિસ્ટ્રેશન H-1B વિઝાનીતિની સમીક્ષા કરી રહ્યું છે.
- ટ્રમ્પ એડમિનિસ્ટ્રેશનનું માનવું છે કે અમેરિકન કર્મચારીઓને નોકરીઓથી દૂર રાખવા માટે કંપનીઓ આ નિયમનો દુરુપયોગ કરે છે. H-1B વિઝા એક બિનપ્રવાસી વિઝા છે જે અમેરિકન કંપનીઓને કેટલાક વિશિષ્ટ ક્ષેત્રોમાં વિદેશી કર્મચારીઓની ભરતી કરવાની પરવાનગી આપે છે. આ વિઝા ભારતીય પ્રોફેશનલ્સ વચ્ચે ઘણા લોકપ્રિય છે.