નાશભાગ / અમરેલીમાં દાદા ભગવાન જન્મ શતાબ્દી મહોત્વમાં દુર્ઘટના, વરસાદને લીધે ડોમ તૂટી પડતાં અફરાતફરી મચી, 13ને ઇજા 2 લોકોની હાલત ગંભીર

• અમરેલીના લીલીયા રોડ પર દાદા ભગવાન મંદિરે કાર્યક્રમમાં સર્જાઈ દુર્ઘટના
• 116માં દાદા ભગવાનના જન્મ સ્તાબ્દી મહોત્સવમાં દુર્ઘટના સર્જાઈ
• વરસતા વરસાદમાં કાર્યક્રમનો ડોમ  ધરશાહી થતા મચી નાસભાગ

રાજ્યમાં વરસાદી વાતાવરણ વચ્ચે અમરેલીના લિલિયા રોડ પર દાદા ભગવાન મંદિરમાં મોટી દુર્ઘટના બની હોવાનુ સામે આવી રહ્યું છે. દાદા ભગવાનના 116મી જન્મ શતાબ્દી મહોત્વની ઉજવણી ચાલી રહી છે. આ દરમિયાન  દુર્ઘટના સર્જાતા નાશભાગ મચી જવા પામી હતી. વરસતા વરસાદમાં કાર્યક્રમનો ડોમ એકાએક ધરાશાયી થયો હતો. જેને લઈને ભાગદોડ મચી ગઈ હતી. ડોમમાં વરસાદી પાણી ભરાઈ જતાં ડોમ તૂટ્યો હોવાનું સામે આવ્યું છે.

ડોમમાં વરસાદી પાણી ભરાઈ જતાં ડોમ તૂટ્યો

અમરેલીના લિલિયા રોડ પર દાદા ભગવાન મંદિરમાં 116મી જન્મ શતાબ્દી મહોત્વનું જાજરમાન આયોજન ચાલી રહ્યું હતું. આ વેળાએ ડોમ જમીનદોસ્ત થતા અફરાતરફી મચી હતી.  જે ઘટનામાં 3 વ્યકિતને હાથ પગમાં ફ્રેક્ચર થયા હતા. જ્યારે 2 વ્યક્તિની હાલત ગંભીર હોવાનું જાણવા મળી રહ્યું છે. જ્યારે 13 જેટલા વ્યક્તિ ઈજાગ્રસ્ત થયાનું બહાર આવ્યું છે. 

3 વ્યક્તિઓના હાથ પગમાં આવ્યા ફ્રેકચર 2 ની હાલત ગંભીર
આ સમગ્ર ઘટનાને લઈને ઇજાગ્રસ્તોને અમરેલી અને લીલીયાની 108 માં સારવારમાં ખસેડાયા હતા. ઇજાગ્રસ્તોને ખાનગી દવાખાને ખસેડાયા બાદ વિધાનસભાના દંડક કૌશિક વેકરીયા ઇજાગ્રસ્તોની ખબર અંતર પૂછવા હોસ્પિટલે પહોચ્યા હતા. બીજી બાજુ દુર્ઘટનાને ધ્યાને લઇ દાદા ભગવાન મંદિરે આગળના બે દિવસનો કાર્યક્રમ મોકૂફ રખાયા છે.