ડોલરનો વરસાદ / VIDEO: અમેરિકામાં ફરી કિર્તીદાન ગઢવીએ મચાવી ધૂમ, બાળકો અને વૃદ્ધોએ પણ કર્યો ડોલરનો વરસાદ

• અમેરિકામાં કિર્તીદાન ગઢવીએ મચાવી ધૂમ 
• મહિલા, બાળકો અને વૃદ્ધોએ કર્યો ડોલરનો વરસાદ 
• બે મહિનામાં અમેરિકામાં 33 પ્રોગ્રામ થયા 

ગુજરાતી કલાકાર કિર્તીદાન ગઢવી અમેરિકામાં ધૂમ મચાવી રહ્યા છે. અગાઉ કિર્તિદાન ગઠવી પર NRI મહિલાઓએ ડોલરોનો વરસાદ કર્યો હતો. જેમા તેઓ ગીતો ગાતા પણ નજરે પડ્યા હતા. ત્યારે વધુમાં ફરી તેમની પર ડોલરોનો વરસાદ થયો છે. જેનો વીડિયો પણ હાલ સોશિયલ મીડિયા પર વાયરલ થયો છે. 

બાળકો અને વૃદ્ધઓએ ઉડાવ્યા ડોલરો 

જે નવો વીડિયો સોશિયલ મીડિયા પર વાયરલ થયો છે. તેમા કિર્તિદાન ગઢવી પર ફરી મહિલાઓ ડોલરોનો વરસાદ કરી રહી છે. સાથેજ આ વીડિયોમાં તો બાળકો અને વૃદ્ધો પણ તેમની પર બંડલો ઉઠાવતા ઉડાવતા નજરે પડી રહ્યા છે. જેના કારણે આ વીડિયો ફરી વાયરલ થયો છે. જેમા તમે જોઈ શકો છો કે કિર્તીદાન ગઢવી ધૂમ મચાવી રહ્યા છે. 

બે મહિનામાં યોજાયા 33 પ્રોગ્રામ 

આપને જણાવી દઈએ કે કોરોનાને કારણે છેલ્લા કેટલાય દિવસોથી બધા પ્રોગ્રામો રદ થયા હતા. જોકે હવને સંક્રમણ ધીમું પડતા ઠેર ઠેર કાર્યક્રમો યોજાઈ રહ્યા છે. જેમા કિર્તીદાન ગઢવીના કાર્યક્રમો વધ્યા છે. જાણીને આપને નવાઈ લાગશે કે બે મહિનામાં કિર્તીદાન ગઢવીએ અમેરિકામાં 33 પ્રોગ્રામ કર્યા છે. જેમા મોટા ભાગના ગુજરાતીઓએ આનંદ માણ્યો છે.