બોલિવૂડ સેલેબ્સ અવાર નવાર મુંબઈના રસ્તાઓ પર તેમની મોંઘી કારો અને બાઈક્સ પર દેખાતા હોય છે. જોકે, કેટલાક સેલેબ્સ સાયકલ ચલાવતા પણ નજરે પડે છે. ત્યારે હાલમાં જ રણબીર કપૂર પોતાની નવી ઈલેક્ટ્રિક સાયકલ પર ફરતો જોવા મળ્યો છે. રેડ કલરની આ નવી ઈ-સાયકલ ખૂબ જ સુંદર અને આકર્ષક છે. પરંતુ તેની કિંમત મોટરસાઈકલથી પણ મોંઘી છે.
રણબીર નવી સાયકલ પર ફરતો જોવા મળ્યો
મોટરસાઈકલથી પણ મોંઘી છે તેની સાયકલ
સાયકલની કિંમત જાણી દંગ રહી જશો
રિપોર્ટ્સની માનીએ તો રણબીરની આ નવી ઈ-સાઈકલની કિંમત 1.5 લાખ રૂપિયાની આસપાસ છે. આ સાઈકલના ટાયર પહોળા છે અને તેની ફોલ્ડેબલ હોવાની ક્વોલિટી તેને અન્ય સાઈકલો કરતા અલગ પાડે છે. હકીકતમાં આ સાઈકલ બનાવનાર કંપનીએ તેના ઓફિશિયલ પેજમાં આ સાઈકલની તસવીર સાથે આલિયાને ટેગ કરી હતી.
વર્કફ્રંટની વાત કરીએ તો રણબીર કપૂર છેલ્લે સંજય દત્તની બાયોપિક સંજૂમાં જોવા મળ્યો હતો આ ફિલ્મ સુપરહિટ રહી હતી. હવે રણબીરની બે ફિલ્મો આવવાની છે. જે ઘણાં સમયથી ચર્ચામાં છે. જેમાં શમશેરામાં તે સંજય દત્ત અને વાણી કપૂર સાથે જોવા મળશે. આ સિવાય અયાન મુખર્જીની ફિલ્મ બ્રહ્માસ્ત્રમાં પણ તે આલિયા ભટ્ટ, અમિતાભ બચ્ચન અને મૌની રોય સાથે જોવા મળશે.