દુર્ઘટના / મોટી હોનારત : ભાવનગરમાં શિહોર GIDCની રોલિંગ મીલમાં પ્રચંડ ધડાકો,12 કામદારો દાઝ્યાં, 3 ગંભીર 

• ભાવનગરની શિહોર GIDCમાં મીલમાં બ્લાસ્ટ 
• બ્લાસ્ટમાં 12 શ્રમિકો ઇજાગ્રસ્ત 
• 3 શ્રમિકોની હાલત અતિ ગંભીર 

ઇજાગ્રસ્તોની ભાવનગર સિવિલ હોસ્પિટલમાં સારવાર

ભાવનગરના સિહોરમાં આવેલી GIDCમાં રિહન્ટ રોલિંગ મિલની ભઠ્ઠીમાં બ્લાસ્ટ થતાં ભારે દોડધામ મચી ગઈ હતી. આ દુર્ઘટનામાં 10 થી 12 શ્રમિકો ઈજાગ્રસ્ત થવા પામ્યા હતાં.તેઓને પ્રાથમિક સારવાર આપીને પ્રથમ સિહોર અને બાદમાં ભાવનગર સિવિલ માં દાખલ કરવામાં આવ્યા હતાં. જેમાં 3 મજૂરોની હાલત ગંભીર જોવા મળી હતી. આ રોલિંગ મિલ ઘનઘલી ગામ નજીક આવેલી છે. 

ભંગારને ભઠ્ઠીમાં નાખતા બ્લાસ્ટ

સ્થાનિક લોકોના જણાવ્યા મુજબ મિલમાં શનિવારે મોડી રાત્રે 14 થી વધુ મજૂરો કામ કરતા હતાં. ત્યારે બ્લાસ્ટ થયો હતો. જેમાં 10 મજૂરો દાઝી ગયા હતાં. સિહોર નજીક આવેલી GIDCની રોલિંગ મિલમાં બ્લાસ્ટ થતા અફરા તફરીનો માહોલ ઉભો થયો હતો. આ મિલના મલિક સનદીપ કોઠારી અને વનરાજસિંહ પરમાર હોવાનું જાણવા મળ્યું છે.જો કે, આ ઘટના બાદ માલિક હોસ્પિટલ નહિં આવતા મજૂરોમાં રોષ જોવા મળ્યો હતો. ઉલ્લેખનીય છે કે, બહારથી આવેલા ભંગારને ભઠ્ઠીમાં નાખતા જ અચાનક બ્લાસ્ટ થયો હોવાનું ઘવાયેલા એક યુવાને જણાવ્યું હતું.