IPLIN
 

ધ્રાસકો / સુશાંત સિંહની મોતથી ધર્મેન્દ્ર આઘાતમાં, ભાવુક થઈને આપ્યું આ મોટું નિવેદન

Team VTV 05:29 PM, 16 Jun 20 | Updated: 05:33 PM, 16 Jun 20
Follow us
Dharmendra shared sad post after suicide of sushant sinh rajput

સુશાંત સિંહના આપઘાત બાદ બોલિવૂડનાં કેટલાક કલાકારો આઘાતથી બહાર આવી શકતા નથી. ચાહકોથી લઈને બોલિવૂડ જગત પણ બેસૂધ છે ત્યારે દિગ્ગજ અભિનેતા ધર્મેન્દ્રને પણ આ ઘટના બાદ ઝટકો લાગ્યો છે. ધર્મેન્દ્રએ સોશિયલ મીડિયા પર ભાવુક પોસ્ટ શેર કરીને સુશાંતને યાદ કર્યો છે. 

  • સોશિયલ મીડિયા પર છલકાયું દિગ્ગજ અભિનેતાઓનું દર્દ 
  • આ પ્યારી ખૂબસૂરત ફિલ્મી દુનિયા અત્યંત ક્રૂર : ધર્મેન્દ્ર 
  • કેમ..કેમ...કેમ..સુશાંત આખરે કેમ ? : અમિતાભ બચ્ચન 

ધર્મેન્દ્રની ભાવુક પોસ્ટ 

ધર્મેન્દ્રએ સોશિયલ મીડિયામાં એક પોસ્ટમાં પોતાનું દર્દ વર્ણવ્યું, તેમણે ટ્વિટ કરીને કહ્યું 'વ્હાલા સુશાંત, ના તો ફિલ્મ જોઈ ના હું ક્યારેય તમને મળ્યો...પણ તારા અચાનક જ જતા રહેવા પર ખૂબ દુઃખ થયું. આ પ્યારી ખૂબસૂરત ફિલ્મી દુનિયા અત્યંત ક્રૂર છે. હું તારો અસહનીય કષ્ટ અનુભવી શકું છું.'

અમિતાભ બચ્ચને દુઃખ વ્યક્ત કર્યું 

ધર્મેન્દ્ર પહેલા મહાનાયક અમિતાભ બચ્ચને પણ પોસ્ટ કરીને દુઃખ વ્યક્ત કર્યું હતું. તેમણે પોતાની પોસ્ટમાં સુશાંત સિંહ સાથે પોતાની મુલાકાતને યાદ કરી. અને લખ્યું 'કેમ..કેમ...કેમ..સુશાંત આખરે કેમ ? તમે જીવન કેમ ટૂંકાવી લીધું ? તમે પ્રતિભાશાળી અભિનેતા હતા. કંઈ કીધા વગર, કંઈ પણ માગ્યા વગર હંમેશા માટે સુઈ ગયા..કેમ ? તેમનું કામ ખૂબ જ સારું હતું અને મગજ તો તેનાથી પણ ઉમદા' 

બચ્ચને આગળ પોતાની પોસ્ટમાં લખ્યું છે કે તે દાર્શનિક વાર્તાઓના માધ્યમથી તેમણે ઘણીવાર પોતાના વિશે જણાવ્યું પણ કેટલાક લોકો તે વાતની ઊંડાઈ જણાઈને અચંબિત થઇ જતા તો કેટલાક તો તેનો અર્થ જ ન સમજી શકતા. જ્યારે કેટલાક લોકો તે વાતને ટાળી દેતા હતા.  

બોલિવૂડ જગત આઘાતમાં 

નોંધનીય છે કે રવિવારે સવારે સુશાંત સિંહ રાજપૂતે ગળેફાંસો ખાઈને પોતાનું જીવન ટૂંકાવી દીધું હતું. સુશાંત સિંહના નિધન બાદ બોલિવૂડ જગતમાં ધ્રાસકો પડ્યો અને પરિવાર પર તો જાણે દુઃખોનો પહાડ જ તૂટી પડ્યો છે. સુશાંતની મોત પર મુંબઈ પોલીસ તપાસ કરી રહી છે અને કેટલાક લોકોથી પૂછપરછ પણ કરવામાં આવી છે. મીડિયાના અહેવાલો બાદ મહારાષ્ટ્રના ગૃહમંત્રીએ તે આદેશ પણ આપ્યા છે કે બોલિવૂડમાં દુશ્મનાવટ કે બોયકોટ જેવું કંઈ ચાલી રહ્યું હતું કે નહીં તેની તપાસ પણ કરવામાં આવે. 

ધર્મેન્દ્ર સુશાંત સિંહ રાજપુત બોલિવૂડ Dharmendra Sushant Singh Rajput Bollywood News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ