મહામારી / દિલ્હીમાં 7 મહિનાનો તૂટ્યો રેકૉર્ડ, એટલા કેસ નોંધાયા કે રાજધાની ચિંતામાં મૂકાઈ

• દિલ્હીમાં કોરોનાના 2700થી વધુ કેસ
• 7 મહિનાનો તૂટ્યો રેકૉર્ડ
• 21 મેના રોજ 3009 કેસ નોંધાયા હતા

રાજધાનીમાં કોરોનાનો સંક્રમણ દર 3 ટકાથી વધુ થઇ ગયો છે. છેલ્લા 24 કલાકમાં આવેલા 2716 નવા કેસ મળ્યા છે, જે અંદાજિત 7 મહીનામાં સૌથી વધુ કોરોનાના કેસ છે.

21 મે બાદથી સૌથી વધુ નવા કોરોનાના કેસ મળ્યા છે. 21 મેના રોજ 3009 કોરોનાના કેસ નોંધાયા હતા. દિલ્હીમાં કોરોનાનું સંક્રમણ 3.64 ટકા થઇ ગયું છે, જે 7 મહિનામાં સૌથી વધુ સંક્રમણ દર છે. આ પહેલા સંક્રમણ દર 21 મેના રોજ 4.67 ટકા હતો. મુંબઈમાં ફણ 6347 કોરોનાના કેસ સામે આવ્યા છે, જે ગત દિવસોથી 12 ટકા વધુ છે.

દિલ્હીમાં એક્ટિવ કેસ દર્દીઓની સંખ્યા 6 હજારને પાર થઇ ગઇ છે. આ હકીકતમાં 6360 થઇ ગઇ છે. એક્ટિવ કેસ પણ અંદાજિત 7 મહિનામાં સૌથી વધુ થઇ ગયા છે. 5 જૂન બાદ સૌથી વધુ એક્ટિવ કેસ થઇ ગયા છે. 5 જૂને સક્રિય કેસનો 6731 આંકડો હતો. 

દિલ્હી, મુંબઈ અને દેશના અન્ય શહેરોમાં કોરોનાના વધતા કેસને જોતા કેન્દ્રીય સ્વાસ્થ્ય મંત્રાલયે રાજ્યોને ફરી એડવાઇઝરી જાહેર કરી છે. જેમાં રાજ્યોને અસ્થાયી હોસ્પિટલ બનાવવા, વિશેષ ટીમ બનાવવા અને હોમ આઇસોલેશનમાં રહેલા દર્દીઓની સઘન દેખરેખ રાખવા કહેવામાં આવ્યું છે.