આરોપીના ખાતામાં એક જ દિવસમાં 1 કરોડનું ટ્રાન્ઝેક્શન થતું
50રૂપિયાની લાલચ આપી મહિલા પાસેથી 22 લાખની છેતરપિંડી કરી હતી
ઓનલાઈન ફ્રોડ..આ માત્ર એક શબ્દ નથી પણ એક એવી જાળ છે જેમાં રોજ હજારો લોકો ફસાઈ જાય છે. છેતરપીંડી કરનાર લોકો નવી નવી રીતે લોકોને છેતરતા હોય છે અને એવામાં હાલ જ એક કિસ્સો સામે અવાયો છે જેમાં ઓનલાઈન ક્રિપ્ટોકરન્સી બિઝનેસમાંથી પૈસા કમાવવાની લાલચ આપીને 500 લોકોને છેતરતી ગેંગ પોલીસે પકડી પાડી છે. જણાવી દઈએ કે વિશિયસ તેની ગેંગ દુબઈથી ચલાવતો હતો અને સાથે એમ પણ ખુલાસો થયો હતો કે એ ચીનના કેટલાક લોકોના સંપર્કમાં પણ હતા.
આરોપીના ખાતામાં એક જ દિવસમાં 1 કરોડનું ટ્રાન્ઝેક્શન થતું
વાત એમ છે કે પોલીસે ક્રિપ્ટોકરન્સીના નામે છેતરપિંડી કરનારા 4 આરોપીઓની ધરપકડ કરી છે. જેમાં એક આરોપી પાસેથી 5.50 લાખ રોકડ મળી આવી છે, જ્યારે આ આરોપીઓના અનેક બેંક ખાતાઓમાં લગભગ 24 લાખ રૂપિયા જમા છે. પોલીસ તપાસમાં સામે આવ્યું છે કે આરોપીના બેંક ખાતામાં એક જ દિવસમાં 1 કરોડ રૂપિયાનું ટ્રાન્ઝેક્શન થતું હતું.
50રૂપિયાની લાલચ આપી મહિલા પાસેથી 22 લાખની છેતરપિંડી કરી હતી
આ વિશે ખુલાસો કરતાં પોલિસે આગળ જણાવ્યું હતું કે ફેબ્રુઆરીમાં દિલ્હીની એક મહિલાને એક જ દિવસમાં 22 લાખ રૂપિયાની છેતરપિંડી કરી હતી અને મહિલાએ પોતાની ફરિયાદમાં કહ્યું હતું કે તે ઓનલાઈન નોકરી શોધી રહી હતી એ સમયે અજાણ્યા નંબર પરથી વોટ્સએપ મેસેજ આવ્યો હતો અને તેને લાલચ આપવામાં આવી હતી કે જો તે કોઈ લિંક પર ક્લિક કરે છે અને તેને લાઈક કરે છે, તો દરેક લાઈક માટે તેના ખાતામાં 50 રૂપિયા મોકલવામાં આવશે.
એ બાદ એમને મહિલાને કહ્યું કે તને ઘણી લિંક્સ લાઈક થઈ તેના બદલે આ પૈસા તમારા ખાતામાં ટ્રાન્સફર કરવાના છે, આ રકમ જમા કરાવવા માટે ટેલિગ્રામ લિંક ખોલો. જેમાં એક ગ્રુપ સાથે જોડાવવા કહ્યું અને આ પછી મહિલાના બેંક ખાતામાં 150 રૂપિયા જમા થયા. એ બાદ તે મહિલાને ક્રિપ્ટોકરન્સીમાં રોકાણ કરવા માટે બીજી નોકરી આપવામાં આવી હતી. નોંધનીય છે કે પહેલી નોકરીથી 1000 રૂપિયા કમાયા હતા અને બિકી નોકરીમાં એક જ દિવસમાં લગભગ 22 લાખ રૂપિયા ગુમાવી દીધા.
નકલી સરનામા પર બેંક ખાતા ખોલવામાં આવ્યા હતા
ધરપકડ કરાયેલા આરોપીઓની પૂછપરછના આધારે બેંકની વિગતો કાઢવામાં આવી હતી અને જાણવા મળ્યું હતું કે આરોપીના બેંક ખાતામાં એક જ દિવસમાં 1 કરોડ રૂપિયાનું ટ્રાન્ઝેક્શન થયું હતું. આ માટે બનાવટી કંપનીઓના બનાવટી દસ્તાવેજો બનાવીને છેતરપિંડી કરવા માટે બેંક ખાતા ખોલવામાં આવ્યા હતા. આ પછી તેના ખાતામાં પૈસા ટ્રાન્સફર કરી દેતો હતો.
છેતરપિંડીનો શિકાર થતાં બચો
આજકાલ મોટાભાગના લોકો તેમના બેંક સાથે જોડાયેલા કામ ઓનલાઈન કરે છે. લોકો બેંકિંગ સાથે જોડાયેલા કામ માટે સ્માર્ટફોન અથવા લેપટોપનો ઉપયોગ કરે છે. પરંતુ આવું કરતી સમયે ખૂબ જ સાવધાન રહેવાની જરૂર છે. કારણ કે સાયબર ગુનેગારો તેનો લાભ ઉઠાવી શકે છે. જે પદ્ધતિનો તેઓ ઉપયોગ કરે છે, તેમાં એક સ્પિયર ફિશિંગ પણ છે. આવો તમને આ વિશે જણાવીએ.
શું હોય છે સ્પિયર ફિશિંગ?
સ્પિયર ફિશિંગમાં ઈમેઈલના માધ્યથી ફ્રોડ કરવામાં આવે છે. તેમાં એક સંસ્થાને ટાર્ગેટ બનાવવામાં આવે છે. અને તેના ગોપનીય ડેટાના અનધિકૃત એક્સેસ લેવાનો પ્રયાસ કરવામાં આવે છે.
આ વાતનું રાખો ધ્યાન
- સૌથી પહેલા જો મેસેજમાં કોઈ ફોર્મ આવે છે જેમાં તમને કોઈપણ પ્રકારની વ્યક્તિગત માહિતી માટે પૂછવામાં આવે છે તો તરત જ અટકી જાઓ, આ સિવાય તેને બીજી વખત ચેક કરવાનું રાખો.
- ઈમેઈલ મોકલનારનો સંપર્ક કર્યા વગર અને એ વાત તપાસ્યા પહેલા કે ઈમેઈલ અસલી છે તેનો કોઈ જવાબ આપવો જોઈએ નહીં.
- આ સાથે સ્ક્રીન પર દેખાઈ રહેલા ઇમેઇલ એડ્રેસને ચેક કરો તે તમારી કંપનીમાં ઉપયોગમાં લેવાતા ઇમેઇલ એડ્રેસ સાથે બરાબર મેળ ખાય છે કે નહીં.
- આવા ઈમેઈલમાં આપવામાં આવેલા એટેચમેન્ટને ન ખોલો, કારણ કે તેમાં વાયરલ હોય શકે છે.
- આ સાથે જ ક્યારેય પણ કોઈ ઈમેઈલને ડિલીટ ન કરો. તેની જાણકારી તાત્કાલિક આઈટી વિભાગ અથવા કંપનીના કોમ્પ્યુટર સપોર્ટને આપો. જેથી તેના પર કાર્યવાહી કરી શકાય.
- આ વાતને પણ ચેક કરો કે શું ઈમેઈલ સાથે જોડાયેલો સેન્ડર કંપનીનો છે કે નહી.
- અંતમાં જો તમને રિડાયરેક્ટ કરી કોઈ વેબસાઇટ પર લઈ જવામાં આવે તો તેને પણ ચેક કરો. એ વાતને ચેક કરો કે વેબસાઈટ તમારી કંપનીની હોવી જોઈએ.
- આ સિવાય આ દિવસોમાં મેસેજ દ્વારા સ્કેમ થવાના સમાચાર સતત આવી રહ્યા છે. મેસેજ કરનારા ઘણીવાર યૂઝર્સને અલગ-અલગ રીતે પરેશાન કરે છે. મોટાભાગના મેસેજ કોઈ પોલિસી અથવા ઓફરને લઈ હોય છે. આ મેસેજમાં તમારી સાથે ફ્રોડ અથવા સ્કેમ થઈ શકે છે.
સ્મિશિંગ શું છે?
સ્મિશિંગ શોર્ટ મેસેજ સર્વિસ એટલે કે SMS અને ફિસિંગનો મેળ હોય છે. ફિશિંગ એટલે કે તમારી જાણકારી ચોરી કરવા માટે ઈમલ કરે છે. દેશભરમાં લોકોને આવા મેસેજ મળે છે જેમાં દાવો કરવામાં આવે છે કે તમારા એકાઉન્ટ કંઈક ગડબડી છે અને તેને અપડેટ કરવાની જરૂર છે. તેમને કોઈ નવા પ્રોગ્રામ માટે રજીસ્ટર કરવા માટે પણ કહેવામાં આવે છે. મેસેજમાં લિંક અને ટોલ-ફ્રી નંબરનો ઉપયોગ કરવામાં આવે છે. તેના દ્વારા વ્યક્તિની સાથે બેન્ક ફ્રોડ કરવામાં આવે છે.
આ સેફ્ટી ટિપ્સને કરો ફોલો
સૌથી પહેલા આ વાતનું ધ્યાન રાખો કે સેલ ફોન્સમાં વાયરલ આવી શકે છે. માટે ક્યારેય કોઈ અજાણી વ્યક્તિ પાસેથી મળેલી લિંક પર ક્લિક ન કરો.
તે ઉપરાંત ઈમેલ અથવા ટેક્સ્ટ મેસેજ દ્વારા પોતાની નાણાકીય અથવા ખાનગી જાણકારી શેર ન કરો.
આ સાથે જ બેન્કને શંકાસ્પદ ઈમેલ વિશે સુચના આપો. જેમાં તમારૂ નામ અને લોગોનો ઉપયોગ કરવામાં આવ્યો હોય.
આ ઉપરાંત નિયમિત રીતે પોતાના બેન્ક એકાઉન્ટને ચેક કરો. જેથી કોઈ ફ્રોડ અથવા અનઓફિશ્યલ રીતે એકાઉન્ટ સુધી પહોંચવા માટે પકડી શકાય.