હેલ્થ / ડિહાઈડ્રેશન નહીં થાય, પથરીમાં પણ રહેશે આરામ, સાથે ઘણા લાભ, શરુ કરો આ ચીજ ખાવાનું

• ઉનાળામાં ડાયેટીશીયનો આહારમાં સલાડ વધુ ખાવાની સલાહ આપે છે
• રોજ કાકડી ખાવાથી પાચનતંત્ર મજબૂત બને છે
• કાકડી ખાવાથી પણ પથરીમાં આરામ મળે

 દરરોજ કાકડી ખાવાથી શરીરમાં પાણીની માત્રા પર્યાપ્ત રહે છે અને ઉનાળામાં ડીહાઈડ્રેશન થતું નથી. તેને પીસીને ચહેરા પર લગાવવાથી ટેનિંગ દૂર થાય છે. દરરોજ કાકડી ખાવાથી પાચનતંત્ર મજબૂત બને છે અને વજન ઘટાડવામાં પણ અસરકારક છે.

કાકડી ખાવાથી પણ પથરીમાં આરામ મળે
કાકડી શરીરમાંથી ઝેરી તત્વોને દૂર કરે છે. રોજ કાકડી ખાવાથી પણ પથરીમાં આરામ મળે છે. કાકડી આપણને દૈનિક ધોરણે જરૂરી વિટામિન્સની માત્રા પૂરી કરે છે. તેમાં રહેલા વિટામિન A, B અને C રોગપ્રતિકારક શક્તિને મજબૂત બનાવે છે.

હાડકાં મજબૂત થાય છે
કાકડી ખાવાથી હાડકાં મજબૂત થાય છે. તેમાં વિટામિન-કે મોટી માત્રામાં જોવા મળે છે. આ હાડકાની ઘનતા વધારે છે અને હાડકાંને મજબૂત બનાવી શકે છે.
ત્વચા પણ ચમકદાર બને
કાકડી ત્વચા અને વાળ માટે અમૃત સમાન છે. જો કાકડી નિયમિત રીતે ખાવામાં આવે તો વાળનો વિકાસ સારો થાય છે. સાથે જ ત્વચા પણ ચમકદાર બને છે. કાકડીનો રસ પીવાથી ડાઘ દૂર થવા લાગે છે.

કબજિયાતની સમસ્યા દૂર થાય
કાકડીના નિયમિત સેવનથી કબજિયાતની સમસ્યા દૂર કરી શકાય છે. આની સાથે તે ગેસ અને અપચો દૂર કરવામાં પણ મદદ કરે છે.

વજન ઘટાડી શકાય
કાકડી ખાવાથી વજન ઘટાડી શકાય છે. કારણ કે કાકડીમાં ખૂબ જ ઓછી કેલરી હોય છે. આ સિવાય તેમાં વજન વધે તેવું કોઈ તત્વ નથી. તે ફાઈબરમાં પણ ખૂબ સમૃદ્ધ છે. જેના કારણે તેને ખાધા પછી પેટ ભરેલું રહે છે અને કંઈપણ ખાવાનું મન થતું નથી.

Disclaimer
આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.