કેન્દ્રની મોદી સરકારે ત્રણેય સેનાને નવા હથિયારો મળી રહે તે માટે એક મોટો નિર્ણય લેતા 76,390 કરોડના ખર્ચની મંજૂરી આપી છે. સંરક્ષણ પ્રધાન રાજનાથ સિંહની અધ્યક્ષતાવાળી ડિફેન્સ એક્વિઝિશન કાઉન્સિલ (ડીએસી)ની એક મોટી બેઠક મળી હતી જેમાં આ રકમની મંજૂરી આપવામાં આવી હતી.
Defence ministry approves capital acquisition of military equipment and platforms worth Rs 76,390 crore: Officials
36,000 કરોડના ખર્ચે ઈન્ડીયન નેવી માટે ખરીદાશે હથિયારો
ડીએસીએ ઈન્ડીયન નેવી માટે ₹36,000 કરોડના ખર્ચે નેક્સ્ટ જનરેશન કોર્વેટ્સ (એનજીસી) ની ખરીદી માટે મંજૂરી આપી છે. આ એનજીસી વિવિધ ભૂમિકાઓ માટે બહુમુખી પ્લેટફોર્મ હશે, જેમાં સર્વેલન્સ મિશન, એસ્કોર્ટ ઓપરેશન્સ, નિવારણ, સરફેસ એક્શન ગ્રૂપ (એસએજી) ઓપરેશન્સ, સર્ચ અને એટેક તથા દરિયાકિનારાનાં સંરક્ષણનો સમાવેશ થાય છે. મંત્રાલયે એક નિવેદનમાં જણાવ્યું હતું કે, એનજીસીનું નિર્માણ ભારતીય નૌકાદળની નવી ઇન-હાઉસ ડિઝાઇનના આધારે કરવામાં આવશે, જેમાં જહાજ નિર્માણની નવીનતમ તકનીકનો ઉપયોગ કરવામાં આવશે.
ડોર્નિયર એરક્રાફ્ટ અને એમકેઆઇ એરો-એન્જિનના ઉત્પાદનના પ્રસ્તાવને પણ મંજૂરી
ડીએસીએ હિન્દુસ્તાન એરોનોટિક્સ લિમિટેડ (એચએએલ) દ્વારા ડોર્નિયર એરક્રાફ્ટ અને સુ-30 એમકેઆઇ એરો-એન્જિનના ઉત્પાદનના પ્રસ્તાવને પણ મંજૂરી આપી હતી, જેમાં સ્વદેશીકરણ વધારવા પર ધ્યાન કેન્દ્રિત કરવામાં આવ્યું હતું.
Defence Acquisition Council led by Defence Minister Rajnath Singh today cleared the Digital Coast Guard project which would be a step towards creating a paperless Indian Coast Guard and bring transformation in the functioning of the force: Defence Ministry officials
ભારતીય સેના માટે ખરીદાશે આ શસ્ત્રો
સરકારે સેના માટે એન્ટિ-ટેન્ક ગાઇડેડ મિસાઇલ્સ (એટીજીએમ) અને વેપન લોકેટિંગ રડાર્સ (ડબલ્યુએલઆર) સાથે રફ ટેરેન ફોર્ક લિફ્ટ ટ્રક્સ (આરટીએફએલટી), બ્રિજ બિલ્ડિંગ ટેન્ક્સ (બીએલટી), વ્હીલ્ડ આર્મર્ડ ફાઇટિંગ વેહિકલ્સ (ડબલ્યુએચએફવી) અને વેપન લોકેટિંગ રડાર્સ (ડબલ્યુએલઆર)ની ખરીદીની મંજૂરી આપી છે.
ઈન્ડીયન કોસ્ટ ગાર્ડ માટે 'ડિજિટલ કોસ્ટ ગાર્ડ' પ્રોજેક્ટ
સંરક્ષણ મંત્રાલયે ઈન્ડીયન કોસ્ટ ગાર્ડ માટે 'ડિજિટલ કોસ્ટ ગાર્ડ' પ્રોજેક્ટને મંજૂરી આપી છે. આ પ્રોજેક્ટ હેઠળ, કોસ્ટ ગાર્ડમાં વિવિધ સપાટી અને ઉડ્ડયન કામગીરીઓ, લોજિસ્ટિક્સ, ફાઇનાન્સ અને એચઆર પ્રક્રિયાઓના ડિજિટાઇઝિંગ માટે એક અખિલ ભારતીય સુરક્ષિત નેટવર્ક સ્થાપિત કરવામાં આવશે.