ચુકાદો /  BIG BREAKING: સુરતમાં 10 વર્ષની બાળકી સાથે દુષ્કર્મ આચરનારને ફાંસીની સજા

• પાંડેસરામાં બાળકી સાથે દુષ્કર્મ અને હત્યાનો મામલો
• 10 વર્ષની બાળકી સાથે દુષ્કર્મ આચરનારને ફાંસીની સજા
• સુરતમાં પોક્સો સ્પેશિયલ કોર્ટે આરોપીને સંભળાવી સજા 

સુરત પાંડેસરા કેસમાં બાળકી સાથે દુષકર્મ બાદ હત્યા કેસમાં આરોપીને ફાંસીની સજા આપવામાં આવી છે,  પોક્સો સ્પેશિયલ કોર્ટે આરોપીને દોષિત જાહેર કર્યો હતો ત્યારે કોર્ટે આજે ઐતિહાસિક ચુકાદો સંભળાવ્યો છે. કોર્ટે 10 ડિસેમ્બરે કોર્ટે ચુકાદો અનામત રાખ્યો ત્યારે કોર્ટ આજે આરોપીને સજા સંભળાવી છે. કોર્ટે આરોપીને ફાંસી સજા જાહેર કરતા સમાજમાં એક દાખલો બેસાડ્યો છે.  

આરોપી દિનેશ બૈસાણેને કોર્ટે જાહેર કર્યો હતો દોષિત 

સુરતમાં 10 વર્ષની બાળકી સાથે દુષ્કર્મ બાદ હત્યા કરી દેવામાં આવી હતી. પાંડેસરામાં પાડોશમાં રહેતો દશરથ બૈસાણે બાળકીને વડાપાઉં ખવડાવવાની લાલચ આપીને લઈ ગયો હતો અને તેની સાથે દુષ્કર્મ બાદ બાળકીના માથામાં ઈંટના ઘા મારીને તેની હત્યા નિપજાવી દેવામાં આવી હતી. આ ઘટના 7 ડિસેમ્બરે 2020ના રોજ બનેલી ઘટનામાં 15 જ દિવસમાં જ પોલીસે પુરાવાઓ એકત્રિત કરી કોર્ટમાં 232 પાનાની ચાર્જશીટ રજૂ કરી હતી. પોલીસ તપાસમાં બાળકીના શરીર પર 49 જેટલા ઇજાના નિશાન મળી આવ્યા હતા. જે બાદ આરોપીને કોર્ટમાં રજૂ કરાયો હતો. જેમાં કોર્ટ આરોપીને દોષિત જાહેર કર્યો છે. ત્યારે આજે કોર્ટ આ મામલે સજા સંભાવી શકે છે. 

સુરતની સેશન્સ કોર્ટનો ઐતિહાસિક ચૂકાદો 

મહત્વનું છે કે થોડા દિવસ પહેલા જ સુરતમાં અઢી વર્ષની બાળકી પર દુષ્કર્મ બાદ હત્યાના કેસમાં સુરતની સેશન્સ કોર્ટનો ઐતિહાસિક ચૂકાદો આપતા આરોપીને ફાંસીની સજા સંભળાવી છે આરોપીએ બાળકીનું ઘરમાંથી અપહરણ કરી દુષ્કર્મ આચર્યું હતું. ઘરથી થોડા અંતરે બાળકીનો મૃતદેહ મળી આવ્યો હતો બાળકી સાથે દુષ્કર્મ બાદ ગળું દબાવી હત્યા કરી હતી જેમાં પોલીસે 7 દિવસમાં ચાર્જશીટ દાખલ કરી હતી. અઢી વર્ષની બાળકી સાથે દુષ્કર્મ બાદ હત્યા કેસમાં આરોપીને ફાંસીની સજા સંભળાવી છે ત્યારે સુરતમાં જ 10 વર્ષની બાળકી સાથે દુષ્કર્મ બાદ હત્યા કેસમાં કોર્ટ આરોપીને દોષિત જાહેર કર્યો હતો જેનો ચુકાદો આવે આવી શકે છે.

બાળકીના શરીર પર 49 જેટલા ઇજાના નિશાન હતા

સુરત પાંડેસરામાં વડોદમાં બનેલી દુષ્કર્મની ઘટનાની ગંભીરતાને લઇ પોલીસે તપાસ અભિયાન શરૂ કર્યું હતું જેમાં કોસાડ અને વડોદ ગામની બે દુકાનોમાંથી અશ્લિલ ફિલ્મ ડાઉનલોડ કરેલી હાર્ડ ડિસ્ક મળી આવી હતી. અશ્લિલ ફિલ્મો વાળી હાર્ડ ડિસ્ક મળી આવતા પોલીસ પણ દંગ રહી ગઈ હતી જે મામલે પોલીસે કાર્યવાહી કરતા દુકાનમાલિક સહિત 3 લોકોની ધરપકડ હતી મહત્વનું છે કે પાંડેસરાના વડોદમાં દુષ્કર્મ કેસમાં આરોપીએ અશ્લિલ ફિલ્મ  જોયા બાદ દુષ્કર્મ આચર્યું હતું. બાળકીના માથામાં ઈંટના ઘા મારી હત્યા કરાઈ હતી.