- રામનગરમાં ભિક્ષુક ગૃહમાંથી 4 દિવસ પહેલા મહિલા મળ્યો હતો મૃતદેહ
- પોસ્ટમોર્ટમમાં મહિલાની હત્યા થઈ હોવાનો થયો ચોંકાવનારો ખુલાસો
- સીતા નામની મહિલા દાહોદની રહેવાસી હોવાનું ખુલ્યું
સુરતમાં હત્યાનો સિલસિલો યથાવત
રાજ્યના ગૃહમંત્રીના હોમ ટાઉન સુરતમાં છેલ્લા એક અઠવાડિયાથી હત્યાની ઘટનામાં નોંધપાત્ર વધારો થયો છે. જેને લઈને સુરતમાં કાયદો અને વ્યવસ્થાની સ્થિતિ કથળી હોય તેવું લાગી રહ્યું છે. પ્રાપ્ત માહિતી અનુસાર 4 દિવસ અગાઉ સુરત રાંદેરના રામનગરમાં ભિક્ષુક ગૃહમાંથી મહિલાની હત્યા થતાં ચકચાર મચી ગઈ હતી. જો કે, સમગ્ર મામલે પોલીસે ગુનો નોંધીને કેસ દાખલ કરીને મહિલાની ઓળખ માટેની તપાસ હાથ હતી.
રાંદેર પોલીસે હત્યારાની હાથ ધરી શોધખોળ
પોલીસ સુત્રોના જણાવ્યા અનુસાર 4 દિવસ અગાઉ રાંદેર વિસ્તારમાં આવેલા રામનગર ભિક્ષુક ગૃહમાંથી એક મહિલાની કોહવાયેલી હાલતમાં લાશ મળી આવી છે. જોકે આ મહિલાની ઓળખ છુપાવવા માટે તેના પર આરોપીઓએ એસિડ નાખવામાં આવ્યું હતું. આ બનાવની જાણ થતાં રાંદેર પોલીસનો કાફલો ઘટનાસ્થળે પહોંચ્યો હતો અને લાશને પોસ્ટમોર્ટમ માટે હોસ્પિટલ ખસેડવામાં આવી હતી.પોલીસ તપાસમાં મહિલાનું નામ સીતા છે. અને તે દાહોદની રહેવાસી હોવાનું ખુલ્યું હતું.
પોસ્ટમોર્ટમ રિપોર્ટમાં હત્યા થયાનો ચોંકાવનારો ખુલાસો
જો કે, પીએમ રિપોર્ટ આવ્યા બાદ હત્યાનો ચોંકવનારા ખુલાસો થયો હતો. પોસ્ટમોર્ટમમાં જાણવા મળ્યું હતું કે, મહિલાનું ગળુ દબાવીને હત્યા કરાઈ છે. તેમજ મૃતક મહિલાને 5 મહિનાનો ગર્ભ પણ હતો. જેથી પોલીસ દ્વારા આ હત્યા આડા સંબંધમાં કરાઈ હોવાની આશંકા વ્યક્ત કરાઈ હતી. બીજી તરફ રાંદેર પોલીસે હત્યારાની ધરપકડ કરવા શોધખોળ હાથ ધરી
