હરિદ્વારના હરકીપૌડી ખાતે એક વૃદ્ધ મહિલાએ ગંગા નદીમાં ઝંપલાવ્યું હતું. હાલ આ વૃદ્ધ મહિલાનો કૂદકો મારતો વીડિયો સોશિયલ મીડિયા પર જોરદાર વાયરલ થઈ રહ્યો છે.
હરિદ્વારમાં હરકી પૌડીનો એક વીડિયો સોશિયલ મીડિયા વાયરલ
70 વર્ષીય વૃદ્ધ મહિલાએ ગંગા નદીમાં કૂદકો માર્યો
સોશિયલ મીડિયા પર આ વીડિયો થઈ રહ્યો છે જોરદાર વાયરલ
હરિદ્વારમાં હરકી પૌડીનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં એક વૃદ્ધ મહિલા પુલ પરથી ગંગામાં કૂદતી જોવા મળી રહી છે. વૃદ્ધાની હિંમત જોઈને સૌ કોઈને નવાઈ લાગે છે. તે કોઈ પણ જાતના ડર વિના પુલની રેલિંગને પાર કરે છે અને તરીને કિનારે પહોંચે છે. જો કે, આમ કરવું જોખમી બની શકે છે. આ પ્રકારની હરકતના કારણે અહીં લોકો ગંગાના પ્રવાહમાં વહેવાથી જીવ ગુમાવે છે.
કહેવામાં આવી રહ્યું છે કે વીડિયોમાં દેખાતો વૃદ્ધા હરિયાણાના જીંદનો રહેવાસી છે. સૂત્રોના જણાવ્યા અનુસાર વૃદ્ધ મહિલાની ઉંમર 70 વર્ષની આસપાસ હોવાનું કહેવાય છે. વીડિયો જોઈને બધા ચોંકી ગયા છે. વૃદ્ધ મહિલાની હિંમત જોઈને યાત્રિકો પણ સ્તબ્ધ થઈ ગયા હતા. કોઈએ વૃદ્ધાના સાહસનો વીડિયો બનાવ્યો, જે હાલ સોશિયલ મીડિયા પર વાયરલ થઈ રહ્યો છે.
હવામાનની ચેતવણી છતાં યાત્રાળુઓની ભીડ
હવામાન વિભાગે ઉત્તરાખંડમાં ભારે વરસાદને લઈને ઓરેન્જ એલર્ટ જાહેર કર્યું છે. ચેતવણી છતાં, મોટી સંખ્યામાં શ્રદ્ધાળુઓ ગંગામાં પવિત્ર સ્નાન કરવા માટે હરિદ્વાર પહોંચી રહ્યા છે. કેદારનાથ, બદ્રીનાથ સહિતના ચાર ધામોમાં પણ શ્રદ્ધાળુઓની ભીડ જોવા મળે છે. ધામોમાં દર્શન માટે ભક્તો લાઈનમાં ઉભા છે.