IPL 2024 / ‘એ તો અમને પણ નથી કહેતાં કે...’ IPLમાં MS ધોનીના ફ્યુચરને લઈને ચેન્નઈ સુપર કિંગ્સના માલિકે જુઓ શું કહ્યું

• IPLની શરૂઆત પહેલા CSKના માલિકનું નિવેદન
• MS ધોનીના ફ્યુચરને લઈને આપ્યું નિવેદન
• ‘એ તો અમને પણ નથી કહેતાં કે...’

ચેન્નઈ સુપર કિંગ્સના CEO કાશી વિશ્વનાથને IPL 2024ની શરૂઆત પહેલા કેપ્ટન મહેન્દ્ર સિંહ ધોનીના ફ્યૂચર બાબતે જણાવ્યું છે. આ વર્ષે IPL દરમિયાન ધોનીની નિવૃત્તિનો માહોલ બની ગયો હતો. ધોની જે મેદાન પર રમવા જઈ રહ્યા હતા, ત્યાં અગાઉની વાતો યાદ કરીને નિવૃત્તિની હિંટ આપી રહ્યા હતા. ફાઈનલમાં ગુજરાત ટાઈટન્સને હરાવીને 5મો ખિતાબ જીત્યો હતો. ધોનીએ ખિતાબ જીત્યા પછી પણ નિવૃત્તિની જાહેરાત કરી નથી. ધોનીના આ નિર્ણયથી ચેન્નઈ સુપર કિંગ્સના ફેન્સ ખુશ છે. 

માહીના સંન્યાસ બાબતે CSK બોસે જણાવ્યું કે, માહીએ અમને પણ જણાવ્યું નથી કે, તેઓ શું કરવા જઈ રહ્યા છે. 42 વર્ષીય ધોની તેમના પ્લાન વિશે જણાવ્યું નથી તેઓ ફેન્સને આ બાબતે ખુદ જણાવશે. આ અનુભવી ખેલાડી IPL સીઝન રમવા માટે તૈયાર છે. 

કાશી વિશ્વનાથને જણાવ્યું કે, ‘મને આ બાબતે ખબર નથી. કેપ્ટન તમને ડાયરેક્ટ જવાબ આપશે. માહી શું કરશે તે અંગે અમને જાણકારી નથી. જિમમાં કામ કરવાની શરૂઆત કરી છે. આગામી 10 દિવસમાં નેટ્સ પર કામ કરવાની શરૂઆત કરશે.’ IPL 2023માં ધોનીને ઘુંટણની ઈજા થઈ હતી. જેના કારણે બેટીંગ અને વિકેટકીપિંગમાં સારું પ્રદર્શન કરી શક્યા નહોતા.