ક્રેશ / ક્રિપ્ટો કરન્સીમાં પણ જબરદસ્ત કડાકો, રોકાણકારોને રાતાં પાણીએ રડાવ્યા, બિટકોઇન 16 મહિનાના નીચા સ્તરે

• ક્રિપ્ટોકરન્સી પર કકડભૂસ
• બિટકોઇન 16મહિનાની નીચી સપાટીએ
• Tether ગ્રીન નિશાન પર ટ્રેડ કરી હતી

ભારતીય શેર બજારની જેમ ક્રિપ્ટો માર્કેટમાં જબરદસ્ત ભૂકંપ આવ્યો છે. છેલ્લા ઘણા દિવસોથી ઘટાડાનો સામનો કરી રહેલા ક્રિપ્ટો બજારમાં કરન્સીના ભાવ તળિયે પહોંચ્યા છે. વિશ્વની સૌથી લોકપ્રિય ક્રિપ્ટોકરન્સી બિટકોઈનના હલ બેહાલ દેખાઇ રહ્યા છે. અને તે 16 મહિનાની નીચા સ્તર પર પહોંચી ગઇ છે. આ ઉપરાંત ટોપ-10માં સામેલ તમામ ડિજિટલ કરન્સી લાલ નિશાન પર ટ્રેડ થઈ રહી છે.

બિટકોઈનની કિંમત એટલી જ રહી

વિશ્વની સૌથી લોકપ્રિય ક્રિપ્ટોકરન્સી બિટકોઈનમાં ઘટાડાનો સિલસિલો યથાવત રહ્યો છે. ગુરુવારે જોરદાર ઘટાડો નોંધાતા રોકાણકારોને એવો ઝટકો લાગ્યો છે કે આ મુસીબતમાંથી બહાર આવવુ મુશ્કેલ જણાઇ રહ્યું છે.જણાવી દઈએ કે સમાચાર લખાય છે ત્યાં સુધી છેલ્લા 24 કલાકમાં બિટકોઈનની કિંમત 10 ટકા અથવા 2 લાખ 35 હજાર રૂપિયાથી વધુ ઘટીને માત્ર 22,97,441 રૂપિયા થઈ ગઈ છે.

 ઇથેરિયમ 19% નીચે
 
બિટકોઈનની સાથે  ટોપ-10 ક્રિપ્ટોકરન્સીમાં બીજા નંબરની સૌથી લોકપ્રિય ઈથેરિયમે પણ તેના રોકાણકારોને જોરદાર આંચકો આપ્યો છે. ઇથેરિયમની કિંમત 19 ટકા અથવા રૂ. 35,356 ઘટી હતી અને ક્રિપ્ટોકરન્સી રૂ. 1,56,476 રહી હતી.  ઉલ્લેખનીય છે કે ગયા વર્ષે નવેમ્બરમાં બિટકોઇન અને ઇથેરિયમ તેની સર્વકાલીન ઊંચાઇએ પહોંચ્યો હતો.  જે બાદ સતત ઘટાડો થઇ રહ્યો છે.  બિટકોઈન વિશે વાત કરીએ તો, તે હાલમાં તેના સર્વકાલીન ઉચ્ચ સ્તરેથી 55 ટકા નીચે છે.

Tether ગ્રીન નિશાન પર ટ્રેડ કરી હતી

ક્રિપ્ટો માર્કેટ માટે ગુરુવારનો દિવસ કાળો દિવસ બન્યો છે. Bitcoin અને Ethereum સિવાય Binance Coin 17.35 ટકા ઘટીને 20,707 રૂપિયા થઈ ગયો છે. બીજી તરફ, જો રિપલ વિશે વાત કરીએ તો તેમાં 26 ટકાનો ઘટાડો નોંધાયો હતો.. ટોપ-10 ક્રિપ્ટોકરન્સીમાં સમાવિષ્ટ ટેથર કોઈન એકમાત્ર લોકપ્રિય ક્રિપ્ટોકરન્સી હતી જે ગુરુવારે પણ લીલા નિશાન પર ટ્રેડિંગ કરતી જોવા મળી હતી. સમાચાર લખવાના સમયે, Tetherની કિંમત 0.61 ટકા અથવા રૂ. 0.50 વધીને રૂ. 82.91 પર પહોંચી ગઈ હતી.

શેરબજારમાં પણ તૂટ્યું

ભારતીય શેરબજારમાં ઘટાડો અટકવાનું નામ નથી લઇ રહ્યો.  ચોતરફ વેચવાલીના કારણે શેરબજારમાં ગુરુવારે ખુલતાની સાથે જ ગગડી ગયું. સેન્સેક્સ 958.86 પોઈન્ટ તૂટીને 53,129.53 પર ટ્રેડ કરી રહ્યો છે. જ્યારે નિફ્ટી 313.55 ઘટીને 15,853.55 પોઇન્ટ પર ટ્રેડ કરી રહ્યો હતો.  સેન્સેક્સ અને નિફ્ટીએ આજે ​​મહત્વનો ટેકો તોડ્યો છે. ત્યારે આ સ્થિતિને લઇને હજુ પણ બજારમાં ઘટાડો નોંધાય તેવી આશંકા સેવાઇ રહી છે. સેન્સેક્સમાં  સમાવિષ્ટ 30માંથી માત્ર પાવર ગ્રીડના શેર જ લીલા નિશાન પર છે. બાકીના 29 લાલ નિશાન પર પહોંચી ગયા છે.