- અમદાવાદના નરેન્દ્ર મોદી સ્ટેડિયમ નજીક પકડાયેલા 4 કશમીર યુવકનો મામલો
- યુવકો વિધાર્થી હોવાથી ક્રાઇમ બ્રાન્ચે જવા દીધા
- જમ્મુ કાશ્મીર સ્ટુડન્ટસ એસોસિએશન દ્વારા ગુજરાત પોલીસના કર્યા વખાણ
ભારત અને ન્યૂઝીલેન્ડ વચ્ચે t20 સિરીઝની ત્રીજી મેચ ગઈકાલે અમદાવાદના નરેન્દ્ર મોદી સ્ટેડિયમ ખાતે રમાઈ હતી. આ દરમિયાન પોલીસ પણ એક્શનમાં આવી હતી. જેમાં તપાસ દરમિયાન સ્ટેડિયમ નજીકથી શંકાસ્પદ પ્રવૃત્તિના આધારે ચાર કશ્મીરી યુવકોની અટકાયત કરી હતી. શંકાસ્પદ હિલચાલને પગલે સ્ટેડિયમ પાસેથી 30 વર્ષની ઉંમરના બદગામના 4 કાશ્મીરી યુવકોને પોલીસે પકડી લીધા હતા.
યુવકોએ સોશિયલ મીડિયામાં ગુજરાત પોલીસની કામગીરીને બિરદાવી
આ મામલે પોલીસે તમામ યુવકોની પૂછપરછ કરી હતી. જેમાં યુવકો વિધાર્થી હોવાનું તપાસમાં ખુલ્યું હતું. જેને પગલે ક્રાઇમ બ્રાન્ચે સંતોષકારક તપાસ બાદ પ્રાથમિક પૂછપરછ કરી યુવકોને જવા દીધા હતા. આથી જમ્મુ કાશ્મીર સ્ટુડન્ટસ એસોસિએશન દ્વારા ગુજરાત પોલીસની કામગીરીને બિરદાવવામાં આવી હતી. તમામ યુવકોએ સોશિયલ મીડિયામાં ગુજરાત પોલીસની કામગીરીના મુક્તમને વખાણ કર્યા હતા.
નરેન્દ્ર મોદી સ્ટેડિયમમાં ભારત અને ન્યૂઝીલેન્ડ વચ્ચે રમાઈ હતી મેચ
ગઈકાલે મોટેરા સ્થિત નરેન્દ્ર મોદી સ્ટેડિયમમાં રમાયેલી ટી20 સિરિઝની ત્રીજી મેચમાં ભારત મહેમાન ટીમ ન્યૂઝીલેન્ડને 168 રને હરાવીને 2-1થી સિરિઝ જીતી લીધી હતી. ટીમ ઈન્ડીયાને અમદાવાદની ભૂમિ ફળી હોય તેમ ટી20 ફોર્મેટમાં ભારતની આ સૌથી મોટી જીત છે. 3 મેચની ટી20 સિરિઝની પહેલી મેચમાં ન્યૂઝીલેન્ડનો વિજય થયો હતો જ્યારે બીજી મેચ જીતીને ભારતે 1-1થી સિરિઝ બરાબર કરી હતી અને હવે 3જી મેચ જીતી લઈને ટીમ ઈન્ડીયાએ સિરિઝ કબજે કરી લીધી છે.
